«Qara kıimdiler-3» DVD jáne Blu-ray dıskterinde satyla bastady

   Qazaq tili «Columbia Pictures» kınostýdııasynyń «Qara kıimdiler-3» fılminiń keıipkerleri sóılegen álemniń 7-shi tili bolmaq. «Columbia Pictures» kompanııasynyń dıskteri máziriniń «Tilder» bóliminde alǵash ret qazaq tili paıda boldy. Bul týraly Bolashaq» qaýymdastyǵynyń baspasóz qyzmeti habarlaıdy.

Qaýymdastyq málimetterine qaraǵanda, aýdarmanyń dáldigin qamtamasyz etý úshin fılm mátini aǵylshyn tilinen tikeleı qazaq tiline aýdaryldy. Dýblıaj halyqaralyq sapa standarttaryna sáıkes keledi. Jobany qazaq tiliniń erekshelikterine sáıkes keletin jańa fılm dep te aıtýǵa bolady.

Dybystaý jumystary Almaty qalasyndaǵy «Cinema Tone Production» stýdııasynda ótkizildi. Aqyrǵy montaj jumystary London qalasyndaǵy «Shepperton» stýdııasynda jasaldy. Fılmniń qazaq tildi nusqasyn shyǵarý úshin AQSh, Ulybrıtanııa, Reseı, Qazaqstan elderiniń mamandary qyzmet etti. 

Aıta keterligi, amerıkandyq akter Ýıll Smıtti dybystaý úshin Azamat Qanapııaev tańdalypty. Azamat «Kólikter-2» mýltfılminiń keıipkeri Metrdi de dybystaǵan bolatyn. Ýolt Dısneı kompanııasynyń ókilderi onyń daýysyna joǵary baǵa berdi.

«Qara kıimdiler-3» - 2012 jyldyń eń mańyzdy premeralarynyń biri, jerdegi ǵalamsharlyqtardyń qyzmetin qadaǵalap otyratyn qupııa uıymnyń qyzmetkerleri jaıly fılmniń jalǵasy. Komedııa janrynda túsirilgen bul fılm dostyq, adaldyq, batyldyq sekildi qundylyqtardy nasıhattaıdy.

Fılmniń dýblıajyn «Bolashaq» qaýymdastyǵy «MARWIN» kompanııasymen birlese otyryp, «Samuryq-Qazyna» ulttyq ál-aýqat qory» AQ qoldaýymen júzege asyrǵan bolatyn.

Sonymen qatar, «Bolashaq» qaýymdastyǵy jýyrda «Batyl júrek» pen «Jańa Órmekshi adam» fılmderiniń DVD jáne Blu-ray dıskteri shyǵatynynan qulaǵdar etedi. «Joba uıymdastyrýshylary memlekettik tilge dýblıajdanǵan fılmderdiń dıskteri qazaqstandyqtardyń tarapynan qoldaý taýyp, qazaq tilin úırenýdiń quralynan aınalatynyna senedi» delingen habarlamady.