«Qara búrkit» túrmesinde otyrǵan qylmyskerdiń taǵy 2 áıeldi óltirgeni belgili boldy
ALMATY. QazAqparat - Almaty qalasynda 8 adamdy óltirgen turǵyn ómir boıyna sottaldy, dep habarlaıdy QazAqparat qalalyq sottyń resmı saıtyna silteme jasap.
Almaty qalasynyń qylmystyq ister jónindegi mamandandyrylǵan aýdanaralyq sotynda alqa bılerdiń qatysýymen Qylmystyq kodekstiń 96-baby, 2-bóligi, «a, j,s» tarmaqtarymen (paıdakúnemdik nıetpen, aldyn ala sóz baılasý arqyly adamdar toby jasaǵan, eki nemese odan kóp adamdy óltirý) jáne 385-baptyń 3-bóligimen sotqa berilgen S-ǵa qatysty qylmystyq is aıaqtaldy.
Sottyń 2013 jylǵy úkimimen oǵan 8 adamdy óltirgeni úshin ómir boıyna bas bostandyǵynan aıyrý jazasy taǵaıyndalǵan.
S. jazasyn «Qara búrkit» qylmystyq-atqarý júıesiniń qaýipsizdigi barynsha joǵary mekemesinde ótep jatqanda S-nyń taǵy eki jazyqsyz áıeldi óltirýge qatysqany anyqtaldy.
2001 jyldyń kúzinde S. jábirlenýshiler B. men K-ǵa olardyń páterin ıemdený maqsatynda senim bildirdi. 2001 jyldyń qazan aıynda ol ózine jáne B-ǵa senim artqan azamattardy jalǵa alǵan úıge shaqyryp, onda ol basqa adamdarmen birge olardy óltirgen.
Keıinnen S. jáne basqa adamdar menshik quqyǵynyń qujattaryn ıemdenip, jalǵan senimhat arqaly páterlerdi satqan.
Alqabılerdiń sheshimimen ol biraýyzdan Qylmystyq kodekstiń 96-baby, 2-bóligi, «a, j, z» tarmaqtarymen kináli dep tanylyp, oǵan qaıtadan ómir boıyna bas bostandyǵynan aıyrý jazasy taǵaıyndaldy.
Úkim zańdy kúshine engen joq.
