«Qara býra» Qazaqstan barysy týrnırdiń salmaǵy eń aýyr balýany atandy
ASTANA.KAZINFORM — «Qazaqstan Barysy — 2025» respýblıkalyq týrnırine baq synaıtyn balýandar arasyndaǵy eń aýyr salmaqtaǵy balýannyń esimi belgili boldy.
Búgin balýandar fınaldyq beldesý aldynda Astana qalasyndaǵy «Damu Mall» saýda ortalyǵynda salmaq ólsheý rásiminen ótti. Qorytyndysynda 43 balýannyń arasynda Mańǵystaý obylysy atynan boz kilemde óner kórsetetin «Qara býra» laqap atymen tanymal Nurdáýlet Jarylǵapov tarazyda 167 keli kórsetti.
Al eń jeńil salmaqtaǵy balýan — Abaı oblysynyń ókili Ersin Seıitqazynovtyń salmaǵy nebári 91 keli.
Sonymen qatar, 37 jastaǵy Abaı oblysynan kelgen Saıat Shamshıev jasy eń úlken qatysýshy atansa, 20 jastaǵy Aqtóbe oblysynyń namysyn qorǵaıtyn Ámirbek Rahımov bıylǵy týrnırdiń eń jas balýany atandy.
«Qazaqstan Barysy — 2025» týrnırdegi asa aýyr salmaqta beldesetin eń aýyr 10 balýan:
1. Nurdáýlet Jarylǵapov — 167 keli;
2. Ádil Orazbaev — 152 keli;
3. Erasyl Qajybaev — 151.4 keli;
4. Ersaıyn Nııaz — 149 keli;
5. Beıbarys Ábdiǵalı — 146 keli;
6. Meıirjan Ábdimálikov — 142 keli;
7. Januzaq Ermaǵanbet — 140 keli;
8. Abylaı Isaev — 136 keli;
9. Maqsat Isaǵabylov — 135 keli;
10. Nursultan Qojakeldiuly — 133 keli.
Osyǵan deıin habarlaǵanymyzdaı, 14-shi márte ótkizilgeli otyrǵan fınaldyq jarys 18 qazan kúni elorda tórindegi Jaqsylyq Úshkempirov atyndaǵy jekpe-jek saraıynda ótedi.