«Qara baýyr qasqaldaq» ániniń avtory Іlesbek Amanov ómirden ozdy
ASTANA. QazAqparat - Jeltoqsan kóterilisine arnalǵan «Qara baýyr qasqaldaq» ániniń avtory Іlesbek Amanov ómirden ozdy, dep habarlaıdy QazAqparat.
«Sýyq habar! Jańa ǵana Shymkenttegi jeltoqsanshy dosym Isabekov Sábıt habarlasty! Jeltoqsan kóterilisine arnalǵan "Qara baýyr qasqaldaq" ániniń avtory,sazger Іlesbek Amanov aǵamyz dúnıeden ótti... Іlesbek aǵamyzdyń ımany salamat bolsyn!»,- dep jazdy Feısbýktegi paraqshasynda Erlan Dekelbaev esimdi jeli qoldanýshy.
Jeltoqsan oqıǵasynan tup-týra bir jyldan keıin dúnıege kelgen "Qara baýyr qasqaldaq" ániniń tarıhy týraly, ánniń avtory, belgili sazger Іlesbek Amanov kózi tirisinde «Jas alash» gazetine bergen suhbatynda bylaı depti:
«Ánniń mátinin jazǵan belgili aqyn - Esenǵalı Raýshanov. Juldyz jýrnalyn qarap otyryp osy óleń joldary kózime ottaı basyldy.
Qara baýyr qasqaldaq
Qaıda ushtyń pyr-pyrlap?
Sazyń qaldy sábıdiń
Eńbegindeı bylqyldap.
...Uıa qalsa ıesiz,
Aıdyn úshin sol qaıǵy.
Qańǵyp kelgen shúregeı,
Kólge pana bolmaıdy, - dep oıyn astarlap jetkizgen óleńde avtor qasqaldaq dep - Qonaevty, al Kolbındi qańǵyp kelgen shúregeı dep otyrǵan astaryn birden túsindim. Óleńdi oqyp otyryp án ózinen-ózi shyǵa keldi. Bul - 1987 jyldyń 18 jeltoqsany bolatyn».
