Qara-Balta ózenine 20 tonna benzın tógilip, aýyzsý berý toqtatyldy

Qyrǵyzstanda benzovoz jol apatyna ushyrap, saldarynan Qara-Balta ózenine 20 tonna benzın aqty. Kazinform bul týraly Kabar agenttigine silteme jasap habarlaıdy.

Qyrǵyz Respýblıkasy Tótenshe jaǵdaılar mınıstrliginiń málimetinshe, Bishkek – Osh tasjolynyń 113-shaqyrymynda janarmaı tasıtyn DAF kóligi beton qorshaýǵa soǵylyp, artynsha aýdarylǵan.

Jol-kólik oqıǵasy saldarynan 28 jastaǵy júrgizýsh dene jaraqatyn alyp, aýdandyq aýrýhanaǵa jetkizildi.

Avtotsısternadan ózenge 20 tonna benzın tógildi. Osyǵan baılanysty mańaıdaǵy Taldy-Bulaq jáne Sosnovka aýyldaryna aýyz sý berý toqtatyldy. Qazirgi ýaqytta sýdyń quramy tekserilip jatyr.