Qar, jaýyn, shańdy daýyl - Seısenbige arnalǵan aýa raıy
ASTANA. QazAqparat -«Qazgıdromet» RMK 11 qyrkúıekke arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndardyń ótýine baılanysty, Qazaqstannyń basym bóliginde jaýyn-shashyn saqtalady. Túngi jáne tańerteńgi ýaqytta soltústik batys, soltústik jáne ortalyqta jańbyrdyń sońy qarǵa ulasýy yqtımal. Tek elimizdiń batysynda ońtústik jáne ońtústik shyǵysta jaýyn-shashynsyz aýa raıy saqtalady.
Keı jerlerde jel kúsheıýi kútiledi, ońtústikte jel shańdy daýylmen bolady. Shyǵysta jekelegen aýdandarda naızaǵaı baqylanyp, kúndiz burshaq jaýýy yqtımal.
Respýblıkanyń soltústik jáne ortalyq bóliginde túnde jáne tańerteń tuman jáne úsik kútilýde. Shyǵys Qazaqstan oblysynyń keı jerlerinde naızaǵaı, jeldiń 15-20, kúndiz 25 m/s kúsheıýi kútiledi. Kúndiz keı jerlerinde burshaq jaýýy yqtımal. Qostanaı oblysynyń keı jerlerinde tuman, jeldiń 15-20 m/s kúsheıýi kútiledi. Soltústik Qazaqstan, Pavlodar oblystarynyń keı jerlerinde túnde jáne tańerteń tuman, kúndiz jeldiń 15-20 m/s kúsheıýi kútiledi. Qaraǵandy oblysynyń keı jerlerinde tańerteń tuman, túnde jeldiń 15-20 m/s kúsheıýi kútiledi. Jambyl, tańerteń jáne kúndiz Túrkistan, Qyzylorda oblystarynyń keı jerlerinde jel 15-20 m/s kúsheedi. Qyzylorda oblysynda jel shańdy daýylmen bolady.
Aqmola oblysynyń keı jerlerinde tuman túsedi. Túnde Qostanaı, Aqmola, Soltústik Qazaqstan, Pavlodar, Qaraǵandy oblystarynda 1-3 gradýs úsik kútilýde. Qyzylorda, Túrkistan, Jambyl, Mańǵystaý oblystarynyń basym bóligende, Atyraý, Batys Qazaqstan, Aqtóbe jáne Qaraǵandy oblystarynyń keı jerlerinde joǵary órt qaýipi saqtalady.
