Qar jaýyp, burqasyn júredi: 23 qańtarǵa arnalǵan aýa raıy boljamy

ASTANA. KAZINFORM – Sınoptıkter 23 qańtarda Astana, Almaty qalalary men elimizdiń 17 oblysynda daýyldy eskertý jarııalady.

«Qazgıdromet» RMK-nyń málimetinshe, Jetisý oblysynyń shyǵysynda, ortalyǵynda, taýly aýdandarynda qalyń qar túsip, kóktaıǵaq bolady, jaıaý burqasyn júredi. Oblystyń taýly aýdandarynda tuman túsedi. Soltústik-batystan soqqan jeldiń ekpini 15-20 m/s, Alakól kólderi aýdanynda 23-28 m/s, keı tusta 30 m/s jáne odan asady. Taldyqorǵanda kúndiz soltústik-batystan soqqan jeldiń ekpini 15-20 m/s bolady.

Túnde Túrkistan oblysynyń ońtústiginde, taýly jáne taý bókterli aýdandarynda qar jaýyp, tuman túsedi. Oblystyń taýly aýdandarynda jaıaý burqasyn júredi. Soltústik-batystan soltústik-shyǵysqa oıysa jel soǵady, oblystyń taýly aýdandarynda soqqan jeldiń ekpini 15-20 m/s bolady. Shymkentte túnniń birinshi jartysynda qar jaýyp, tuman túsedi.

Abaı oblysynda qar jaýyp, burqasyn júredi, kóktaıǵaq bolady. Oblystyń batysynda, soltústiginde, ortalyǵynda ońtústik-batystan soltústik-batysqa oıysa soqqan jeldiń ekpini 15-20 m/s, túnde 23-28 m/s deıin jetedi. Semeıde de qar jaýyp, burqasyn júredi, kóktaıǵaq bolady. Ońtústik-batystan soltústik-batysqa oıysa soqqan jeldiń ekpini 15-20 m/s bolady.

Batys Qazaqstan oblysynyń soltústiginde, shyǵysynda tuman bolady. Oralda túnde jáne tańerteń tuman túsedi.

Jambyl oblysynyń soltústiginde, ońtústiginde, taýly aýdandarynda qar jaýyp, jaıaý burqasyn júredi, tuman túsedi, túnde taýly aýdandarynda qalyń qar túsedi. Oblystyń ońtústik-batysynda, soltústik-shyǵysynda, taýly aýdandarynda ońtústik-batystan soltústik-batysqa oıysa soqqan jeldiń ekpini 15-20 m/s, keı tusta 23-28 m/s deıin jetedi. Tarazda túnde jáne tańerteń qar jaýyp, jaıaý burqasyn júredi. Keı ýaqyttarda tuman bolady, ońtústik-batystan soltústik-batysqa oıysa soqqan jeldiń ekpini - 15-20 m/s.

Astanada 23 qańtarda túnde jaıaý burqasyn júredi.

Almatyda keı ýaqytta tuman, kóktaıǵaq bolady.

Túnde Ulytaý oblysynyń soltústiginde, shyǵysynda qar jaýyp, burqasyn júrip, kóktaıǵaq bolady. Oblystyń soltústiginde, shyǵysynda tuman túsedi. Túnde oblystyń soltústiginde, shyǵysynda soltústik-batystan, batystan jel soǵady, ekpini - 15-20 m/s.

Qaraǵandy oblysynyń batysynda, soltústiginde, ońtústiginde qar jaýyp, jaıaý burqasyn júredi, kóktaıǵaq bolady. Oblystyń soltústiginde, shyǵysynda tuman túsedi. Túnde oblystyń soltústiginde, shyǵysynda, ońtústiginde ońtústik-batystan, batystan jel soǵady, ekpini - 15-20 m/s. Qaraǵandyda túnde qar jaýyp, burqasyn júredi, kóktaıǵaq bolady. Ońtústik-batystan, batystan jel soǵady, túndegi ekpini - 15-20 m/s.

Shyǵys Qazaqstan oblysynda qar jaýyp, burqasyn júredi, kóktaıǵaq bolady. Túnde oblystyń shyǵysynda qalyń qar jaýady. Oblystyń batysynda, soltústiginde, shyǵysynda ońtústik-batystan soltústik-batysqa oıysa soqqan jeldiń ekpini 15-20 m/s, túndegi ekpini 23-28 m/s deıin jetedi. Óskemende qar burqasyndatyp, kóktaıǵaq bolady. Ońtústik-batystan soltústik-batysqa oıysa soqqan jeldiń ekpini 15-20 m/s.

Pavlodar oblysynyń ońtústiginde, shyǵysynda túnde de, kúndiz de qar jaýady. Jaıaý burqasyn júredi. Soltústik-batystan soqqan jeldiń ekpini 15-20 m/s bolady. Pavlodarda túnde de, kúndiz de azdap qar jaýady. Jaıaý burqasyn júredi. Soltústik-batystan jel soǵady, ekpini - 15-20 m/s.

Soltústik Qazaqstan oblysynyń soltústiginde, shyǵysynda, ońtústiginde azdap qar jaýady, jaıaý burqasyn júredi. Oblystyń soltústiginde, shyǵysynda, ońtústiginde soltústik-batystan, batystan soqqan jeldiń ekpini 15-20 m/s, keı tusta 23-28 m/s deıin jetedi. Petropavlda jaıaý burqasyn júredi. Soltústik-batystan, batystan soqqan jeldiń ekpini 15-20 m/s, túndegi ekpini 23 m/s deıin jetedi.

Túnde Qyzylorda oblysynyń shyǵysynda azdap qar jaýady, jaıaý burqasyn júredi. Túnde oblystyń soltústiginde, shyǵysynda, ortalyǵynda soltústik-shyǵystan soqqan jeldiń ekpini 15-20 m/s bolady.

Aqtóbe oblysynda batysynda, soltústiginde tuman túsedi.

Túnde jáne tańerteń Aqmola oblysynyń soltústiginde, shyǵysynda azdap qar jaýady, burqasyn júredi. Oblystyń soltústiginde, shyǵysynda soltústik-batystan, batystan jel soǵady, ekpini - 15-20 m/s. Kókshetaýda túnde jaıaý burqasyn júredi, soltústik-batystan, batystan jel soǵady, túnde jáne tańerteń ekpini 15-20 m/s bolady.

Túnde jáne tańerteń Mańǵystaý oblysynyń soltústik-shyǵysynda tuman, kóktaıǵaq bolady. Ońtústik-shyǵystan jel soǵady, ekpini - 15-20 m/s, oblystyń batysynda, ońtústiginde soqqan jeldiń ekpini keı ýaqyttarda 23-28 m/s deıin jetedi. Aqtaýda ońtústik-shyǵystan jel soǵady, ekpini 15-20 m/s, keı tusta 23 m/s deıin jetedi.

Atyraý oblysynda ońtústik-shyǵystan jel soǵady, túnde oblystyń batysynda soqqan jeldiń ekpini 15-20 m/s bolady. Atyraýda da ońtústik-shyǵystan jel soǵady, kúndizgi ekpini - 15-20 m/s.

Qostanaı oblysynyń batysynda, soltústiginde tuman bolady.

Almaty oblysynyń soltústiginde, ońtústiginde, taýly aýdandarynda tuman, kóktaıǵaq bolady. Oblystyń shyǵysynda, taýly aýdandarynda soltústik-batystan soltústik-shyǵysqa oıysa soqqan jeldiń ekpini 15-20 m/s jetedi. Qonaevta keı ýaqytta tuman, kóktaıǵaq bolady. Soltústik-batystan soltústik-shyǵysqa oıysa soqqan jeldiń túndegi ekpini 15-20 m/s bolady.

Almaty áýejaıynda aýa raıyna baılanysty reıster keshigip jatqanyn jazǵan bolatynbyz.