Qar, jaýyn-shashyn: elimizdiń 15 óńiri men Astanada daýyldy eskertý jarııalandy

ASTANA. KAZINFORM – «Qazgıdromet» RMK 23 naýryzda elimizdiń 15 óńiri men Astanada jaýyn-shashyn, tuman, kóktaıǵaq bolatynyn habarlady.

Sınoptıkterdiń boljamy boıynsha, Astana joldarynda kóktaıǵaq bolady.

Shymkentte kúndiz naızaǵaı oınaıdy.

Abaı oblysynyń ońtústiginde jaýyn-shashyn, kóktaıǵaq bolady. Shyǵysta, ońtústikte jáne oblys ortalyǵynda tuman túsedi.

Aqmola oblysynyń batysynda túnde jáne tańerteń tuman túsedi. Kúndiz oblystyń soltústigi men shyǵysynda batystan soǵatyn jeldiń ekpini – 15-20 m/s.

Almaty oblysynyń taýly aımaqtarynda naızaǵaı oınaıdy. Ońtústik-batystan soǵatyn jel ońtústikte soltústik-batysqa aýysady, oblystyń taýly aımaqtarynda ekpini – 15-20 m/s.

Aqtóbe oblysynyń soltústigi men shyǵysynda túnde jáne tańerteń tuman túsedi. Kúndiz oblystyń ońtústiginde soltústik-shyǵystan jel soǵady, ekpini – 15 m/s.

Atyraý oblysynyń ońtústik jartysynda jaýyn-shashyn bolady.

Kúndiz Shyǵys Qazaqstan oblysynyń ońtústigi men shyǵysynda jaýyn-shashyn (jańbyr, qar), kóktaıǵaq bolady. Oblystyń soltústiginde, shyǵysynda jáne ońtústiginde tuman túsedi.

Jetisý oblysynda soltústik-shyǵystan soǵatyn jeldiń kúshi 15-20, keı jerlerde 23-28 m/s deıin kúsheıedi.

Jambyl oblysynyń taýly aımaqtarynda, kúndiz ońtústik-batysta, soltústik-shyǵysta jańbyr jaýady. Kúndiz ońtústikte, oblystyń taýly aımaqtarynda naızaǵaı oınaıdy.

Qaraǵandy ​​oblysynyń ońtústiginde túnde jáne tańerteń jaýyn-shashyn (jańbyr, qar) bolady. Túnde jáne tańerteń oblystyń soltústigi men shyǵysynda tuman túsip, kóktaıǵaq bolady.

Qyzylorda oblysynyń shyǵysynda túnde jáne tańerteń tuman túsedi. Soltústik-shyǵystan jel soǵady, oblys ortalyǵynda kúshi – 15-20 m/s.

Qostanaı oblysynda jaýyn-shashyn (qar, jańbyr), kóktaıǵaq, oblystyń soltústigi men shyǵysynda burqasyn bolady. Oblystyń ońtústiginde túnde jáne tańerteń tuman túsedi.

Mańǵystaý oblysynyń batysynda, ońtústiginde jáne ortalyǵynda nóser jańbyr jaýady.

Pavlodar oblysynyń soltústigi men shyǵysynda tańerteń jáne kúndiz burqasyn, kóktaıǵaq bolady. Túnde oblystyń ońtústiginde tuman túsedi. Kúndiz oblystyń soltústigi men shyǵysynda batystan jel soǵady, ekpini – 15-20 m/s.

Soltústik Qazaqstan oblysynda qar jaýady. Oblystyń batysynda, soltústiginde jáne shyǵysynda burqasyn, kóktaıǵaq bolady. Soltústik-batystan jel soǵady.

Túrkistan oblysynyń soltústiginde, batysynda, ońtústiginde, taýly aımaqtarynda naızaǵaı oınaıdy. Soltústik-shyǵystan jel soǵady, soltústik, batys, oblystyń taýly aýdandarynda kúndiz kúshi 15-20 m/s.

SQO, Aqtóbe, Qostanaı oblystaryndaǵy 3 jolda kólik qozǵalysy shektelgenin jazǵan bolatynbyz.