Qar jáne kóktaıǵaq: Almatyda bir túnde 58 jol-kólik oqıǵasy boldy
ALMATY. KAZINFORM — Almaty polıtsııasy aýa raıyna baılanysty jol-kólik oqıǵalarynyń sany artqanyn habarlady.
Polıtsııa departamentiniń málimetinshe, 9 jeltoqsan saǵat 20:00–den búgin saǵat 06:00–ge deıin Almatyda 58 jol-kólik oqıǵasy tirkeldi. Onyń saldarynan 9 adam jaraqat alǵan, qaıtys bolǵandar joq.
— Almaty polıtsııasy kúsheıtilgen rejımde qyzmet atqaryp, jol qaýipsizdigin qamtamasyz etýge basymdyq berip otyr. Patrýldik polıtsııa ekıpajdary barlyq shaqyrtýlarǵa jedel shyǵyp, jol-kólik oqıǵalaryn rásimdeýde jáne kóshelerdi qardan tazartý men joldarǵa arnaıy óńdeý jumystaryn júrgizip jatqan kommýnaldyq qyzmetterge kómek kórsetip jatyr, — dep habarlady departamentten.
Eske salaıyq, buǵan deıin Almaty qalasynyń tótenshe jaǵdaılar departamenti kólik júrgizýshileri men jaıaý júrginshilerdi kóktaıǵaq kezinde muqııat bolýǵa shaqyrdy.