Qar, jańbyr, kóktaıǵaq: Beısenbi kúnge aýa raıy boljamy

ASTANA. QazAqparat – «Qazgıdromet» RMK boljamynsha, 16 aqpanda Qazaqstannyń basym bóliginde qubylmaly kún raıy qalyptasady. Onymen respýblıkanyń batysynda, ońtústik-batysynda, ońtústigi men ońtústik-shyǵysynda qar jáne jańbyr túrinde jaýyn-shashyn, ekpindi jel, jaıaý burqasyn bolady. Sondaı-aq el boıynsha tuman men kóktaıǵaq boljanady, dep habarlaıdy QazAqparat.

Tańerteń jáne kúndiz Túrkistan oblysynyń ońtústiginde, batysynda jáne taýly aýdandarda qatty jańbyr jaýady.

Batys Qazaqstan oblysynyń ońtústiginde, kúndiz Atyraý oblysynyń shyǵysynda, ortalyǵynda qatty qar kútiledi.

Jambyl oblysynyń taýly aýdandarynda túnde qatty qar, kúndiz oblystyń ońtústiginde jáne taýly aýdandarynda jańbyr men qar túrinde qatty jaýyn-shashyn bolady.