Qar, jańbyr: 29 qazan kúngi aýa raıy boljamy
NUR-SULTAN. QazAqparat – 29 qazan kúni Qazaqstan aýmaǵynda qubylmaly aýa raıy saqtalady, qar men jańbyr túrinde jaýyn-shashyn jaýady. Respýblıkanyń tek batysy men ońtústiginde antıtsıklon áserinen jaýyn-shashynsyz kún raıy kútiledi. Elimizdiń keı jerlerinde tuman, kóktaıǵaq, jaıaý burqasyn, ońtústik-batysta shańdy daýyl, jeldiń kúsheıýi boljanady, dep habarlaıdy QazAqparat.
«Qazgıdromet» RMK málimetinshe, Soltústik Qazaqstan, Shyǵys Qazaqstan, Qaraǵandy oblystarynyń keı jerlerinde tuman, kóktaıǵaq, jaıaý burqasyn bolady. jeldiń kúshi 15-20 m/s artady.
Aqmola oblysynyń keı jerlerinde jel 15-20 m/s kúsheıedi, túnde tuman, kóktaıǵaq, jaıaý burqasyn kútiledi.
Pavlodar oblysynyń keı jerlerinde kóktaıǵaq, kúndiz keı jerlerinde jel 15-20 m/s kúsheıedi.
Jambyl, Qostanaı oblystarynyń keı jerlerinde tuman, kóktaıǵaq boljanady. Jambyl oblysynyń jekelegen aýmaǵynda kúndiz jel 15-20 m/s kúsheıedi.
Mańǵystaý, kúndiz Atyraý oblystarynyń keı jerlerinde jel 15-20 m/s artady. Mańǵystaý oblysynda shańdy daýyl kúsheıedi.
Almaty, Túrkistan, Batys Qazaqstan oblystarynyń keı jerlerinde tuman bolýy yqtımal.
