Qar, jańbyr, jaıaý burqasyn: 19 qarashada qaı óńirlerde aýa raıyna baılanysty eskertý jasaldy
ASTANA. KAZINFORM — Sınoptıkter 19 qarashada eldiń birneshe óńirinde tuman túsip, kóktaıǵaq bolatynyn, qar men jańbyr jaýyp, jaıaý burqasyn jáne ekpini kúshti jel soǵatynyn eskertti.
Jetisý oblysynyń taýly aýdandaryn túnde jáne tańerteń tuman basady. Soltústik-shyǵystan jel soǵady, kúndiz Alakól kólderi mańynda jeldiń ekpini 15-20 m/s-qa jetedi.
Aqtóbe oblysynyń soltústigi men soltústik-shyǵysynda túnde jáne tańerteń tuman túsedi. Oblys joldarynda kóktaıǵaq bolady.
Atyraý oblysynyń batysy men ońtústigin túnde jáne tańerteń tuman basady.
Mańǵystaý oblysynyń soltústiginde túnde jáne tańerteń tuman túsedi. Ońtústik-shyǵystan jel soǵady, oblystyń ortalyǵynda jeldiń ekpini 15-20 m/s-qa jetedi.
Almaty oblysynyń ońtústigi men taýly aýdandarynda túnde jáne tańerteń tuman túsedi. Ońtústik-shyǵystan jel soǵady, oblystyń shyǵysy men taýly aýdandarynda jeldiń ekpini 15-20 m/s bolady. Oblystyń soltústigi men shyǵysynda joǵary órt qaýpi saqtalady. Almaty qalasynda da túnde jáne tańerteń tuman túsedi. Іle Alataýynyń Almaty qalasyndaǵy Medeý jáne Bostandyq aýdandarynyń taýly aımaqtaryn da tuman basady. Ońtústik-shyǵystan jel soǵyp, keı ýaqytta ekpini 15-20 m/s-qa jetedi.
Túrkistan oblysynyń batysy men ońtústiginde, taýly jáne taý bókterindegi aýdandarda kúndiz jańbyr jaýyp, naızaǵaı oınaıdy. Túnde jáne tańerteń oblystyń soltústigi men ońtústiginde, taýly aýdandarda tuman túsedi. Ońtústik-shyǵystan soqqan jel ońtústik-batysqa aýysady. Oblystyń batysy men soltústiginde, taýly jáne taý bókterindegi aýdandarda jeldiń ekpini 15-20 m/s bolady. Shymkent qalasynda kúndiz jańbyr jaýyp, naızaǵaı oınaıdy. Ońtústik-shyǵystan soqqan jel ońtústik-batysqa aýysyp, ekpini 15-20 m/s-qa jetedi. Túrkistan qalasynda da jel baǵyty ońtústik-shyǵystan ońtústik-batysqa aýysyp, kúndiz ekpini 15-20 m/s bolady.
Jambyl oblysynyń soltústigi men ońtústiginde, taýly aýdandarynda túnde jáne tańerteń tuman túsedi. Ońtústik-shyǵystan jel soǵady. Túnde oblystyń taýly aýdandarynda, kúndiz soltústigi men taýly aýdandarynda jeldiń ekpini 15-20 m/s bolady.
Ulytaý oblysynyń batysy, soltústigi men ortalyǵyn túnde jáne tańerteń tuman basady.
Qostanaı oblysynyń soltústigi men shyǵysynda túnde jáne tańerteń qar jaýyp, jaıaý burqasyn soǵady, kóktaıǵaq bolady. Batysy men ońtústiginde tuman túsedi. Ońtústik-batystan jel soǵyp, túnde jáne tańerteń oblystyń soltústigi men shyǵysynda ekpini 15-20 m/s-qa jetedi. Qostanaı qalasynda túnde qar jaýyp, jaıaý burqasyn soǵady, kóktaıǵaq bolady. Ońtústik-batystan soqqan jeldiń túngi ekpini 15-20 m/s bolady.
Qaraǵandy oblysynyń batysy, soltústigi men shyǵysynda túnde jáne tańerteń tuman túsedi. Qaraǵandy qalasynda da osy ýaqytta tuman bolady.
Pavlodar oblysynyń batysy, ońtústigi men ortalyǵyn tuman basady. Pavlodar qalasynda da tuman túsedi.
Shyǵys Qazaqstan oblysynyń soltústigi men shyǵysynda túnde jáne tańerteń tuman bolady. Shyǵystan, ońtústik-shyǵystan jel soǵady, kúndiz oblystyń ońtústik-shyǵysynda ekpini 15-20 m/s-qa jetedi. Óskemen qalasynda da túnde jáne tańerteń tuman túsedi.
Abaı oblysynyń soltústigi men shyǵysynda túnde jáne tańerteń tuman túsedi. Shyǵystan, ońtústik-shyǵystan jel soǵady, tańerteń jáne kúndiz oblystyń ortalyǵynda ekpini 15-20 m/s bolady.
Soltústik Qazaqstan oblysynyń batysy men soltústiginde túnde qar jaýyp, jaıaý burqasyn soǵady, kóktaıǵaq bolady. Kúndiz bul aýdandarda jańbyr men qar aralas jaýyn-shashyn jaýyp, kóktaıǵaq saqtalady. Túnde jáne tańerteń oblystyń batysy men ońtústiginde tuman túsedi. Ońtústikten, ońtústik-batystan jel soǵady. Oblystyń batysy, soltústigi men ońtústiginde jeldiń ekpini 15-20 m/s bolady, batysy men ońtústiginde keı ýaqytta 25 m/s-qa deıin kúsheıedi. Petropavl qalasynda túnde qar jaýyp, jaıaý burqasyn soǵady, kóktaıǵaq bolady. Kúndiz jańbyr men qar aralas jaýyn-shashyn jaýyp, kóktaıǵaq saqtalady. Ońtústikten, ońtústik-batystan jel soǵyp, ekpini 15-20 m/s-qa jetedi.
Qyzylorda oblysynyń soltústigi, ońtústigi men ortalyǵynda kóktaıǵaq bolyp, tuman túsedi. Oblystyń ońtústik-batysy men soltústik-shyǵysynda joǵary órt qaýpi saqtalady. Qyzylorda qalasynda da keı ýaqytta kóktaıǵaq bolyp, tuman túsedi.
Aqmola oblysynyń batysy men soltústiginde túnde jáne tańerteń azdaǵan qar jaýyp, kóktaıǵaq bolady. Oblystyń batysy men ońtústiginde tuman túsedi.