Qar, úsik, qatty jel: erteń Qazaqstannyń 17 oblysyna eskertý jasaldy
ASTANA. KAZINFORM — 21 qazanda elimizdiń birqatar óńirinde qar, jańbyr, kóktaıǵaq, tuman jáne qatty jel kútiledi. Keı jerlerde úsik júrip, jeldiń ekpini 29 m/s-qa deıin jetýi múmkin. Bul týraly «Qazgıdromet» málimdedi.
Qaraǵandy oblysy
Túnde oblystyń soltústigi men shyǵysynda jaýyn-shashyn (jańbyr, qar) túsip, kóktaıǵaq bolady dep kútiledi. Túnde jáne tańerteń oblystyń soltústigi men ońtústiginde tuman túsedi.
Batystan, soltústik-batystan soǵatyn jeldiń ekpini oblystyń soltústiginde, shyǵysynda jáne ońtústiginde 15–20 m/s-qa, túnde keı ýaqytta 25 m/s-qa deıin jetedi.
Oblystyń batysynda tótenshe órt qaýpi saqtalady.
Qaraǵandy qalasynda túnde jaýyn-shashyn (jańbyr, qar) túsip, kóktaıǵaq bolady. Batystan, soltústik-batystan soǵatyn jeldiń ekpini 15–20 m/s bolady.
Ulytaý oblysy
Soltústik-batystan, batystan jel soǵady. Tańerteń jáne kúndiz oblystyń soltústigi men shyǵysynda jeldiń ekpini 15–20 m/s-qa jetedi.
Oblystyń batysy men ortalyǵynda tótenshe órt qaýpi saqtalady. Jezqazǵan qalasynda da tótenshe órt qaýpi bar.
Almaty oblysy
Batystan, soltústik-batystan jel soǵady. Oblystyń soltústiginde, ońtústiginde, shyǵysynda jáne taýly aýdandarynda jeldiń ekpini 15–20 m/s bolady. Kúndiz oblystyń shyǵysynda jeldiń ekpini keı ýaqytta 23–28 m/s-qa deıin kúsheıedi.
Túnde oblystyń soltústiginde 1 gradýs úsik júredi.
Qonaev qalasynda soltústik-batystan jel soǵyp, kúndiz onyń ekpini 15–20 m/s-qa jetedi.
Atyraý oblysy
Oblysta joǵary órt qaýpi saqtalady. Soltústiginde, ońtústiginde jáne shyǵysynda tótenshe órt qaýpi bar.
Atyraý qalasynda tótenshe órt qaýpi saqtalady.
Túrkistan oblysy
Oblystyń taýly aýdandarynda tuman túsedi. Soltústik-shyǵystan jel soǵyp, oblystyń soltústiginde jáne taýly aýdandarynda jeldiń jyldamdyǵy 15–20 m/s bolady.
Túnde oblystyń soltústiginde 1 gradýs úsik júredi.
Oblystyń soltústiginde, batysynda jáne ortalyǵynda joǵary órt qaýpi saqtalady. Túrkistan qalasynda da joǵary órt qaýpi bar.
Batys Qazaqstan oblysy
Túnde jáne tańerteń oblystyń batysynda, soltústiginde jáne shyǵysynda tuman túsedi.
Oblystyń batysynda, ońtústiginde jáne shyǵysynda joǵary órt qaýpi saqtalady.
Oral qalasynda túnde jáne tańerteń tuman bolady dep kútiledi.
Aqtóbe oblysy
Soltústikten, soltústik-batystan jel soǵady. Túnde oblystyń soltústik-shyǵysynda jeldiń ekpini 15 m/s-qa jetedi.
Oblystyń shyǵysynda joǵary órt qaýpi saqtalady. Batysynda, ońtústiginde jáne ortalyǵynda tótenshe órt qaýpi bar.
Pavlodar oblysy
Jańbyr men qar túrinde jaýyn-shashyn kútiledi. Oblystyń batysynda, soltústiginde, ońtústiginde jáne ortalyǵynda kóktaıǵaq bolady.
Túnde jáne tańerteń oblystyń soltústiginde tuman túsedi.
Soltústik-batystan soǵatyn jeldiń jyldamdyǵy 15–20 m/s bolady. Oblystyń batysy men ońtústiginde jeldiń ekpini 23–28 m/s-qa deıin kúsheıedi.
Pavlodar qalasynda jańbyr men qar jaýyp, kóktaıǵaq bolady dep boljanady. Soltústik-batystan soǵatyn jeldiń jyldamdyǵy 15–20 m/s bolady.
Mańǵystaý oblysy
Shyǵystan, ońtústik-shyǵystan jel soǵady. Kúndiz oblystyń ońtústiginde jeldiń ekpini 15–20 m/s-qa jetedi.
Oblystyń ortalyǵynda joǵary órt qaýpi saqtalady.
Shyǵys Qazaqstan oblysy
Jańbyr men qar túrinde jaýyn-shashyn túsip, kóktaıǵaq bolady. Oblystyń shyǵysynda jáne taýly aýdandarynda qalyń qar jaýyp, jer betinde burqasyn soǵady.
Soltústik-batystan jel soǵady. Túnde oblystyń batysynda, soltústiginde jáne ońtústiginde jeldiń ekpini 15–20 m/s bolady.
Kúndiz jeldiń jyldamdyǵy 15–20 m/s bolyp, oblystyń soltústiginde, ońtústiginde jáne ortalyǵynda ekpini 24–29 m/s-qa deıin jetedi.
Óskemen qalasynda soltústik-batystan soǵatyn jeldiń ekpini 15–20 m/s bolady, keı ýaqytta 25 m/s-qa deıin kúsheıedi.
Abaı oblysy
Jańbyr men qar túrinde jaýyn-shashyn túsip, kóktaıǵaq bolady. Oblystyń batysy men soltústiginde jer betinde burqasyn soǵady.
Batystan, soltústik-batystan jel soǵady. Túnde oblystyń batysynda, soltústiginde jáne ortalyǵynda jeldiń ekpini 15–20 m/s bolady.
Kúndiz jeldiń jyldamdyǵy 15–20 m/s bolyp, oblystyń soltústiginde, ońtústiginde jáne ortalyǵynda ekpini 24–29 m/s-qa deıin jetedi.
Semeı qalasynda batystan, soltústik-batystan soǵatyn jeldiń ekpini 15–20 m/s bolady, keı ýaqytta 25 m/s-qa deıin kúsheıedi.
Aqmola oblysy
Oblystyń soltústigi men ońtústiginde azdaǵan jańbyr men qar túrinde jaýyn-shashyn kútiledi. Shyǵysynda jańbyr men qar jaýady.
Túnde oblystyń soltústigi men shyǵysynda kóktaıǵaq bolady.
Soltústik-batystan soǵatyn jeldiń jyldamdyǵy 15–20 m/s bolady. Oblystyń soltústigi men shyǵysynda jeldiń ekpini 23–28 m/s-qa deıin jetedi.
Kókshetaý qalasynda soltústik-batystan jel soǵyp, jyldamdyǵy 15–20 m/s bolady. Túnde jeldiń ekpini 23 m/s-qa jetedi.
Soltústik Qazaqstan oblysy
Túnde oblystyń shyǵysy men ońtústiginde jańbyr men qar túrinde jaýyn-shashyn kútiledi. Soltústiginde azdaǵan jańbyr men qar jaýady.
Oblystyń soltústiginde, shyǵysynda jáne ońtústiginde kóktaıǵaq bolyp, jer betinde burqasyn soǵady.
Soltústik-batystan soǵatyn jeldiń jyldamdyǵy 15–20 m/s, ekpini 23–28 m/s bolady.
Petropavl qalasynda túnde azdaǵan jańbyr men qar jaýyp, kóktaıǵaq bolady dep kútiledi. Soltústik-batystan soǵatyn jeldiń jyldamdyǵy 15–20 m/s, ekpini 23–28 m/s-qa deıin jetedi.
Qyzylorda oblysy
Túnde oblystyń batysy men soltústiginde 3 gradýs úsik júredi.
Oblys boıynsha tótenshe órt qaýpi saqtalady. Soltústiginde joǵary órt qaýpi bar.
Qyzylorda qalasynda tótenshe órt qaýpi saqtalady.
Jambyl oblysy
Túnde jáne tańerteń oblystyń taýly aýdandarynda tuman túsedi.
Soltústik-shyǵystan jel soǵady. Túnde oblystyń taýly aýdandarynda, al kúndiz soltústik-shyǵysynda jáne taýly aýdandarynda jeldiń ekpini 15–20 m/s bolady.
Túnde oblystyń batysy men soltústiginde 3 gradýs úsik júredi.
Qostanaı oblysy
Túnde jáne tańerteń oblystyń batysynda, soltústiginde jáne shyǵysynda tuman túsedi.
Soltústik-batystan jel soǵady. Oblystyń soltústigi men shyǵysynda jeldiń ekpini 15–20 m/s-qa jetedi.
Oblystyń ońtústiginde joǵary órt qaýpi saqtalady.
Qostanaı qalasynda soltústik-batystan soǵatyn jeldiń ekpini 15–20 m/s bolady.
Jetisý oblysy
Ońtústik-batystan jel soǵady. Oblystyń ońtústiginde, shyǵysynda jáne taýly aýdandarynda jeldiń jyldamdyǵy 15–20 m/s bolyp, keı ýaqytta ekpini 23–28 m/s-qa deıin jetedi.
Túnde oblystyń soltústiginde 3 gradýs úsik júredi.
Oblystyń shyǵysynda tótenshe órt qaýpi, al ońtústiginde joǵary órt qaýpi saqtalady.
Buǵan deıin «Qazgıdromet» RMK sınoptıkteri Qazaqstannyń úsh megapolısinde 2026 jylǵy 21 jáne 22 qazanǵa arnalǵan aýa raıynyń tolyq boljamyn jarııalaǵan bolatyn.
