Qar, tuman jáne kóktaıǵaq - TJD almatylyqtarǵa eskertý jasady

ALMATY. KAZINFORM - Almaty qalasynyń Tótenshe jaǵdaılar departamenti № 7 Qazgıdromet daýyldy eskertýiniń negizinde Almatyda jeksenbi kúni, ıaǵnı 8 jeltoqsanda qar jaýyp, týman jáne kóktaıaq kútiletini týraly habarlady.

TJD mamandary daýyl týraly eskertý negizinde avtokólik ıelerine aǵashtardyń, elektr jelileriniń jáne basqa da bekitilmegen qurylymdardyń astyna avtokólikterdi qoımaýǵa keńes berdi.

Sondaı-aq qutqarýshylar aýa-raıyna baılanysty almatylyq jaıaý júrginshilerdi kelesi erejelerdi este saqtaýǵa shaqyrdy:

- Kóshelerdi jol qozǵalysy erejelerimen belgilengen oryndarda ótý kerek;
- Joldan ótken kezde, basqa isterge (uıaly telefonmen sóılesý jáne t. b.) alańdamańyz.;
- Árqashan aldyńyzdyń aıaqtyń astyna qarańyz;
- Aıaq kıimdi durys tańdaýǵa nazar aýdarý kerek. Aıaq kıim budyrly órnegi bar taıǵanamaıtyn materıaldan jasalǵan tegis tabandy bolýy tıis;
- Qolyńyzdy qaltańyzda ustamańyz. Bul sizge taıǵaq jerde tepe-teńdikti saqtaýǵa múmkindik beredi;
– Trotýarlar, qalalyq kólik aıaldamalary, dúkenderge kire beristegi baspaldaqtar, tipti óz úıiniń kireberisi - adamdar jıi jaraqat alyp qulaıtyn oryndar.

- Esińizde bolsyn , qar men kóktaıǵaq kezinde júrgizýshiniń kólikti júrgizý kezinde zeıini tómendep, jolǵa muqııat qaraı almaı, nátıjesinde jaıaý júrginshilerdiń qaǵyp ketýi múmkin, - delingen TJD eskertýinde.

Eske salaıyq, buǵan deıin Qutqarýshylar aıaǵyn gaz ballonynyń tutqasynan shyǵara almaǵan balaǵa kómekke kelgenin jazǵanbyz.