Qar, tuman, kóktaıǵaq: Qazgıdromet naýryzdyń 1-i kúngi aýa raıy boljamyn jarııalady

ASTANA. KAZINFORM – «Qazgıdromet» RMK-sy naýryzdyń 1-i kúngi aýa raıy boljamyn jarııalady.

Kásiporyn taratqan derekterge qaraǵanda, naýryzdyń 1-i kúni atmosferalyq aǵyndardyń ótýine baılanysty elimizdiń basym bóliginde kún qubylmay bolady.

Eldiń basym bóliginde qar jaýsa, ońtústikte jáne ońtústik-shyǵysta jańbyr jáne qar aralas jańbyr jaýady.

Respýblıka boıynsha tuman túsedi, eldiń ońtústiginde, ońtústik batysynda, ortalyǵynda kóktaıǵaq bolyp, soltústikte, ońtústikte, batysta, ortalyqta jaıaý burqasyn soǵady, respýblıkanyń batysynda, soltústiginde jel kúsheıýi yqtımal.

Osyǵan deıin kúnniń buzylýyna baılanysty (qatty boran, kórý múmkindiginiń shektelýi) respýblıkalyq mańyzy bar joldardyń 2 ýchaskesinde júk jáne qoǵamdyq avtokólikter úshin shekteý engizilgeni týraly jazdyq.