Qar, tuman, kóktaıǵaq: Aldaǵy úsh kúnge arnalǵan aýa raıy boljamy
ASTANA. QazAqparat - Qazgıdromet sınoptıkteri aldaǵy úsh kúnge arnalǵan aýa raıy boljamyn jarııalady, dep habarlaıdy QazAqparat.
Atmosferalyq fronttar Qazaqstannyń basym bóliginde aýa raıynyń turaqsyz sıpatyna sebepshi bolady.
Saldarynan qar jaýady.
Tek eldiń ońtústiginde joǵary atmosferalyq qysym áserinen kún ashyq bolady, jaýyn-shashyn jaýmaıdy.
Qazaqstan boıynsha tuman túsip, kóktaıǵaq bolady. Eldiń soltústik jartysynda jaıaý burqasyn soǵady.
Respýblıka boıynsha temperatýralyq fonda kúrt ózgerister kútilmeıdi.
