Qar, tuman, kóktaıǵaq: Aldaǵy úsh kúnge arnalǵan aýa raıy boljamy
NUR-SULTAN. QazAqparat - Sınoptıkter 5-7 jeltoqsan aralyǵyna arnalǵan aýa raıy boljamyn jarııalady, dep habarlaıdy QazAqparat «Qazgıdromet» RMK baspasóz qyzmetine silteme jasap.
Jyly jáne ylǵaldy atlantıkalyq tsıklondar Reseıdiń eýropalyq bóliginen Batys Sibirdiń soltústik aımaqtaryna jyljýda. Al onymen baılanysty atmosferalyq fronttar Qazaqstan terrıtorııasynyń aýa raıyna yqpalyn tıgizedi.
Sondyqtan aldaǵy úsh táýlikte respýblıkanyń kóptegen oblystarynda jylbysqy qar jáne qar jaýady. Tuman túsip, kóktaıǵaq bolady.
Soltústik, ortalyq jáne shyǵys aımaqtarda ekpindi batys jeli soǵady, burqasyn kóteriledi. Degenmen, aýa temperatýrasy kópjyldyq ortasha mánnen joǵary kúıinde saqtalady.
