Qar, tuman, kóktaıǵaq: 25 qazanǵa arnalǵan aýa raıy boljamy

ASTANA. QazAqparat - Qazgıdromet mamandary 25 qazan, seısenbige arnalǵan aýa raıy boljamyn usyndy, dep habarlaıdy QazAqparat.

Batys antıtsıklony áli de Qazaqstannyń shyǵys jartysyna áserin saqtaıdy, sondyqtan ol aımaqta jaýyn-shashynsyz aýa raıy kútiledi.

Eldiń batys, soltústik-batys, ońtústik jáne ońtústik-shyǵys óńirlerine tsıklon men atmosferalyq fronttar áser etedi.

Osyǵan baılanysty jaýyn-shashyn (jańbyr, qar) jaýady.

Qazaqstannyń ońtústiginde taýly aýdandarda kúndiz qatty jaýyn-shashyn (jańbyr, qar) bolady, jel kúsheıedi, soltústik-batysta kóktaıǵaq bolady.

Eldiń shyǵys, ońtústik-shyǵys aımaqtarynda túnde jáne tańerteń tuman túsedi.