Qar, tuman, burqasyn: 4 qarasha el aýmaǵynda aýa raıy qandaı bolady
NUR-SULTAN. QazAqparat - Sınoptıkter 4 qarasha aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstannyń basym bóligi aýqymdy antıtsıklon yqpalynda bolady, sondyqtan jaýyn-shashyn jaýmaıdy.
Tek eldiń ońtústiginde, shyǵysynda jáne ońtústik-shyǵysynda fronttardyń ótýine baılanysty aýa raıy turaqsyz bolady.
Qar jaýady, ońtústik pen ońtústik-shyǵystyń taýly aýdandarynda jáne taý bókterinde qalyń qar jaýady.
Batysta, soltústik-batysta, soltústikte, shyǵysta tuman túsedi.
Respýblıkanyń basym bóliginde jel kúsheıip, ońtústikte jáne ońtústik-batysta shańdy daýyl soǵady.
Eldiń ońtústik-shyǵysynda kóktaıǵaq bolady, jaıaý burqasyn kóteriledi.
Túrkistan oblysynyń soltústiginde, batysynda jáne taýly aýdandarynda jel ekpini 23-28 m/s jetedi.
Kúndiz taýly asýlarda jel jyldamdyǵy 30 m/s asýy múmkin
Jambyl oblysynyń soltústik shyǵysynda, ońtústik batysynda jáne taýly aýdandarynda tuman túsedi, kóktaıǵaq bolyp, jaıaý burqasyn soǵady. Jel qarqyny - 15-20, 23-28 m/s shamasynda.
Almaty oblysynyń shyǵysynda, ońtústiginde tuman jáne kóktaıǵaq bolady. Jeldiń ekpini 23-28 m/s deıin kúsheıedi.
Qyzylorda oblysynyń basym bóliginde jel qarqyny - 15-20 m/s. Kúndiz 23 m/s deıin jetedi, oblys ortalyǵynda shańdy daýyl soǵady.
Mańǵystaý oblysynda jeldiń kúshi - 15-20 m/s. Kúndiz oblystyń ońtústiginde, soltústik-shyǵysynda shańdy daýyl turady.
Batys Qazaqstan, Soltústik Qazaqstan oblystarynda túnde jáne tańerteń tuman túsedi, Batys Qazaqstan oblysynyń ońtústik-batysynda, Soltústik Qazaqstan oblysynyń basym bóliginde jel ekpini 15-20 m/s deıin kúsheıedi.
Atyraý oblysynyń batysynda, soltústiginde jáne ortalyǵynda jel jyldamdyǵy 15-20 m/s jetedi.
Túnde Shyǵys Qazaqstan oblysynyń shyǵysynda jaıaý burqasyn kóterilip, tuman túsedi. Jel qarqyny - 15-20 m/s.
Qostanaı oblysynyń ońtústiginde, Qaraǵandy oblysynyń soltústiginde tuman túsedi.
