«KaR-Tel» JShS Bas dırektory aýysty
ALMATY. Sáýirdiń 30-sy. QazAqparat /Erlik Erjanuly/ - «VympelKom» kompanııalar toby Qazaqstan aýmaǵynda Beeline saýda belgisimen qyzmet kórsetetin «KaR-Tel» JShS-niń Bas dırektory laýazymyna Anatolıı Popovty taǵaıyndaý týraly sheshim qabyldady,
dep habarlaıdy QazAqparat kompanııanyń baspasóz qyzmetine silteme jasap.
"Qazirgi kezde Beeline-niń Qazaqstandaǵy bıznesi aldynda birneshe úlken mindet tur. Ol: tabys jóninde naryq úlesin arttyrý, Internetke keń jolaqty ený baǵytyn damytý, úshinshi canattaǵy jelini iske qosý. Anatolıı Popovtyń joǵary básekelestikke ıe tutynýshylyq taýarlar naryǵynda satýdaǵy tabysty tájirıbesi, sondaı-aq halyqaralyq kompanııalardaǵy operatsııalardy basqarý daǵdysy «KaR-Tel» kompanııasynyń odan ári damýyna zor úles qosatynyna senimdimin», deıdi bıznesti TMD elderinde damytý jónindegi vıtse-prezıdent Dmıtrıı Kromskıı.
Novosibir ýnıversıtetiniń mehanıka-matematıka fakýltetiniń túlegi Anatolıı Popov keıin bilimin ekonomıka jáne basqarý mamandyǵy boıynsha jalǵastyrǵan. 2002 jyly Anheuser-Busch InBev jetekshi syra qaınatý zaýytynyń bólimshesi bolyp tabylatyn SUN InBev kompanııasyna aýysty. SUN Inbev kompanııasynda aldymen Sibir jáne Qıyr Shyǵys aýmaǵynda satý jónindegi dırektor qyzmetinde, keıin Reseıdiń Batys bóliginde satý jónindegi aǵa vıtse-prezıdent laýazymynda qyzmet atqardy. Al 2007 jyly InBev kompanııasynyń Bolgarııadaǵy bólimshesiniń Bas dırektory, 2009 jyldyń kókteminde Anheuser-Busch InBev kompanııasynyń reseılik qurylymynda Kommertsııalyq operatsııalar jónindegi dırektory bop taǵaıyndalǵan edi.
