«Kar-Tel» jáne «GSM Qazaqstan» uıaly baılanys operatorlary ákimshilik jaýapqa tartylýda

Básekelestikti qorǵaý agenttigi basqarmasynyń 13-shi májilisinde osyndaı sheshim qabyldandy, dep habarlady vedomstvonyń baspasóz qyzmetinen.

«Basqarma uıaly operatorlarǵa qatysty júrgizilgen tekserýlerdiń negizinde ákimshilik ister qozǵaý týraly sheshim qabyldap otyr», delingen agenttik habarlamasynda.

Atap aıtqanda, «Kar-Tel» JShS, óziniń basymdyqty jaǵdaıyn paıdalana otyryp, zańnamada qarastyrylmaǵanyna qaramastan, tólem ýaqytyna shekteý ornatqan, sóıtip tutynýshylardyń zańdy quqyqtaryn shektegen. Al «Qazaqtelekom» aktsıonerlik qoǵamynyń «GSM Qazaqstan» seriktestigi byltyr «Demalys kúnderi» paketi aıasynda shyndyqqa saı kelmeıtin jarnama taratty dep aıyptalýda.

«Eki jaǵdaı boıynsha jalpy somasy 1,5 mıllıard teńgege jýyq somanyń aıyppuly qarastyrylyp otyr, biraq ony sot sheshedi. Materıaldar sotqa jóneltildi», dep habarlady agenttikten.