«KaR-Tel» «Tamasha almatylyq» dep atalatyn jańa tarıftik jospar engizedi
ALMATY. Aqpannyń 15-i. QazAqparat /Erlik Erjanuly/ - Búgin Almatyda «KaR-Tel» JShS-i jeli ishinde habarlasýdyń tómengi baǵamen, abonenttik tólemsiz «Tamasha almatylyq» dep atalatyn jańa tarıftik josparyn engizgeni týraly málimdeme taratty,
dep habarlaıdy QazAqparat.
«Bul - Almaty qalasy men Almaty oblysy turǵyndaryna arnalǵan usynys bolyp tabylady. «Tamasha almatylyq» tarıftik josparyna qosylǵan abonentter mınýtyna 5 teńge tómengi baǵamen abonenttik tólemsiz sapaly baılanysty paıdalana alady», deıdi uıaly baılanys operatorynyń jurtshylyqpen baılanys qyzmetiniń jetekshisi Pavel Rodın. Onyń aıtýynsha, maýsymnyń 30-yna deıin dep josparlanyp otyrǵan jańa tarıftik jospardyń jaramdylyq merzimi bolashaqta uzartylýy múmkin. Oǵan qosylý - 15 teńge mólsherinde, qalalyq telefondar men basqa uıaly operatorlar nómirlerimen tildesý mınýtyna 35 teńgeni quraıdy. Al qońyraý jasaýshy abonent Almaty men oblys aýmaǵynan tys jerde bolsa, basqa operatorlarǵa shyǵys qońyraýlar quny 45 teńge bolady. Tarıftik jospardy aıyna bir ret tegin aýystyrýǵa bolady. Ol úshin aǵymdaǵy aıdyń 25-ine deıin habarlasý qajet.
