«KaR-Tel» kompanııasy syılap otyrǵan qural-jabdyqtar bizdiń stýdentterge is júzindegi bazalyq stansyny óz kózderimen kórýine múmkindik beredi - J.Bekmaǵambetova
ALMATY. Naýryzdyń 11-i. QazAqparat /Ádilet Musahaev/ - «KaR-Tel» JShS (Qazaqstandaǵy Beeline brendi) M.Tynyshpaev atyndaǵy Qazaq transport jáne kommýnıkatsııa akademııasy stýdentterine aqysyz uıaly baılanys júıesiniń qural-jabdyqtaryn tapsyrdy,
dep habarlaıdy QazAqparat.
«Radıotehnıka jáne telekommýnıkatsııa» kafedrasynyń «Radıotehnıka, elektronıka jáne telekommýnıkatsııa (RET)» mamandyǵy stýdentterine bazalyq antenno-fıderlik kesheni berildi.
«Biz «Radıotehnıka jáne telekommýnıkatsııa» kafedrasynyń bazasynda uıaly jeli stansysynyń makettik bazasyn qurdyq. Osy maqsatta biz aqysyz túrde barlyq qajetti qural-jabdyqtar berdik. Osy bilim úrdisine qosqan azǵantaı úlesimiz akademııa stýdentterine jańa tehnologııalarmen tanys bolyp, bilimderin is júzinde qoldanýyna múmkindik beredi dep oılaımyn», deıdi «KaR-Tel» kompanııasynyń qoǵammen baılanys qyzmetiniń jetekshisi Pavel Rodın.
«KaR-Tel» kompanııasy syılap otyrǵan qural-jabdyqtar bizdiń stýdentterge is júzindegi bazalyq stansyny óz kózderimen kórýine múmkindik beredi, stansynyń tehnıkalyq parametrleri jaıly túsinikterin keńeıtip, tehnıkalyq jınaqqa, olardy jalǵap úırenýge, qazirgi kezde qazaqstandyq uıaly baılanys jelisiniń operatorlary paıdalanyp júrgen quraldarmen jumys jasaýyna úıretedi», dedi óz sózinde «Radıotehnıka jáne telekommýnıkatsııa» kafedrasynyń meńgerýshisi, tehnıkalyq ǵylymdardyń kandıdaty Janat Bekmaǵambetova.
