«KaR-Tel» birqatar ınternet-resýrsqa kirýge irkilistiń sebebi aıtty

ASTANA. QazAqparat - "KaR-Tel" JShS birqatar ınternet-resýrsqa kirýge irkilistiń sebebine túsinikteme berdi, dep habarlaıdy QazAqparat tilshisi atalǵan kompanııaǵa silteme jasap.

Túsinikteme A.Shınniń memlekettik organdardyń resmı jaýabyna súıene otyryp bergen ótinishinen keıin jarııa etilgen.

"KaR-Tel" JShS Aqparat jáne kommýnıkatsııalar mınıstrliginiń ashyq derekózderindegi qoljetimdi jaýabyna qate túsinikteme bergendigin moıyndaıdy. QR AKM jaýaby sot sheshimimen tyıym salynǵan naqty kontentti áleýmettik jeli ákimshiligine júginý joly arqyly joıý boıynsha zańdy jumystardy retteýshi organmen júrgizilýin qarastyrady. Atalǵan jaýapta ınternet-resýrstardy buǵattaý týraly sharalardy qabyldaý jaıynda sóz bolǵan joq. Osyǵan oraı kompanııa atalǵan sharaǵa pikir bildire almaıdy, sonymen qatar olardy qoldanylýy týraly qorytyndy shyǵarmaıdy", - delingen kompanııa habarlamasynda.