«KaR-Tel» abonentterge tótenshe jaǵdaılar týraly tegin aqparat taratý boıynsha QR TJM-men kelissózder júrgizýde
ASTANA. 1 aqpan. QazAqparat - Qazirgi ýaqytta QR TJM-men habarlamalardy taratýǵa baılanysty kelisimshart jasaý týraly kelissózder júrgizilý ústinde, dep habarlaıdy «KaR-Tel» JShS-niń baspasóz qyzmeti.
«Buǵan deıin habarlanǵandaı, «KaR-Tel» JShS tabıǵı apattar týraly SMS habarlamalardy tegin joldaýǵa daıyn. Mysalǵa, tas joldardyń jabylýy týraly habarlamalar Astana qalasy boıynsha tegin taratylyp keledi», - delingen taratylǵan baspasóz aıǵaǵynda.
«Al Madıarov myrzanyń SMS habarlamalardyń quny 5 teńge turatyndyǵy týraly málimdemesi, aldyn alý maqsatyndaǵy habarlamalarǵa qatysty aıtylǵan. Olarǵa «Turmystyq gazdy qoldaný kezinde tehnıkalyq qaýipsizdik erejelerin saqtańyz», «Úıden shyǵarda jaryqty sóndirińiz», «Kóktaıǵaq kezde qaýipsizdik erejelerin saqtańyz» jáne osy syndy basqa da eskertýler jatady. Odan bólek, kompanııa aldyn alý sharalaryna qatysty habarlamalardy úsh kún buryn usynýdy suratady.
