Qar tazalaýǵa arnalǵan tehnıkalar qysqa daıyn - Astana
ASTANA. QazAqparat - Elordada aldaǵy qysqy maýsymǵa daıyndyq jumystary júrgizilip jatyr. Qazirgi kezde qar tazalaýǵa arnalǵan 265 tehnıka daıyn. Bul týraly astana.kz saıty «Astana-Tazalyq» JShS-ge siltememen habarlady.
«15-25 qazan aralyǵynda kommýnaldyq tehnıkalardy tekserý ótkiziledi. Ózimizdiń qondyrǵylardan basqa, tıisti jumystarǵa qar shyǵarýǵa arnalǵan basqa da tehnıka - samosvaldar tartylady. Bir aýysymda qosymsha 150-200 jýyq KamAZ jaldaımyz», - dedi «Astana Tazalyq» JShS bas dırektory Ázimbek Basqanbaev.
Qysta Astanada kúshti aıaz turyp, joldar men trotýarlarda kóktaıǵaq bolatyndyqtan uıym 25 000 m3 tuzdy-qum qospasyn daıyndady. Budan basqa, qosymsha 40 000 m3 qum ákelý josparlanǵan.
Qys kezinde elordalyqtardyń qaýipsiz qozǵalysyn qamtamasyz etý úshin jumyskerler joldardy jáne olardyń jıekterin qardan tazalap, sypyryp, jınaıdy. Kún saıyn tıisti jumystarǵa 750 arnaıy tehnıka men 405 jumysshy tartylady.
