Qar tapshylyǵynan Bıatlonnan Álem kýbogynyń ekinshi kezeńi keıinge shegerilýi múmkin
ASTANA. QazAqparat - Bıatlonnan Álem kýbogynyń ekinshi kezeńi keıinge shegerilýi múmkin degen aqparatty seısenbi kúni Reseı bıatlonıster odaǵy Twitter paraqshasyndaǵy shaǵyn blogta jarııalady.
"Álem kýbogynyń ekinshi kezeńi qar tapshylyǵy saldarynan Hohfıltsennen Ostersýndke kóshirilýi yqtımal. Sheshim búgin qabyldanady", - delingen habarlamada.
Álem kýbogynyń ekinshi kezeńi bastapqyda 11-14 jeltoqsan aralyǵynda avstrııalyq Hohfıltsende ótýi tıis edi. Álem kýbogy 9 kezeńnen turady. Sońǵysy RF Hanty-Mansıısk qalasynda 2015 jyldyń 18 - 22 naýryzy aralyǵynda ótedi. Sonymen qatar bıatlonshylar Kontıolahtı qalasynda 2015 jyly 3-15 naýryz aralyǵynda bolatyn álem chempıonatyna qatysady.
Jeksenbi kúni alǵashqy kezeń shvetsııalyq Estersýndte bastaldy. Bul jarysta Frantsııa birinshi oryndy enshiledi.
