Qar sýyna batqan bir adamnyń denesi tabyldy - Qaraǵandy oblysynda
QARAǴANDY. QazAqparat - Saǵat 13.00-de Qaraǵandy oblysy TJ departamentiniń qutqarýshylary jol apaty saldarynan kóktemgi tasqyn sýǵa batyp ketken bir adamnyń denesin tapty.
Qalǵan eki adamdy izdestirý sharalary jalǵasýda, dep habarlaıdy «QazAqparat» HAA tilshisi.
«Bir adam tirshilik belgilerinsiz tabyldy. Sýǵa qulaǵan taǵy eki adamdy izdestirý jumystary jalǵastyrylýda. Súńgýirler men TJ departamentiniń jedel-qutqarý jasaǵynyń tehnıkasy jumyldyryldy. Apattyń oryn alýy kóktemgi sý tasqynymen baılanysty emes. Aýmaqta tasyǵan sýdyń bıiktigi nebári 10 santımetrdi qurady», - dedi Qaraǵandy oblystyq TJ departamentiniń baspasóz hatshysy Qýanysh Mútállapov.
Eske salaıyq, 31 naýryz kúni «Qarashoqy-Besoba» jergilikti mańyzdaǵy tasjolynda «ÝAZ» avtomobıli erigen qar sýyna toly jyraǵa túsip ket ken.
«7 oryndyq mashınanyń salonynda 14 adam bolǵandyǵy anyqtaldy. Apatqa ushyraǵan kóliktegi on bir adam sýdan ózderi shyǵyp, jol ústine kóterilgen», - dedi Qaraǵandy oblystyq TJ departamentiniń baspasóz hatshysy Qýanysh Mútállapov.
Aldyn ala málimet boıynsha, júrgizýshi rýlge ıe bola almaı, jyraǵa qulaǵan.
