Kar Sıtı bazaryn teksergen almatylyq polıtseıler 5 qylmyskerdi ustady
ALMATY.QazAqparat - Almatyda «Car city» bazaryna reıd júrgizgen polıtseıler 5 qylmyskerdi qolǵa túsirdi, dep habarlaıdy QazAqparat tilshisi.
Polıtseıler ótken senbide avtobólshek bazarynda kezekti tekseris júrgizdi. Sharaǵa 600-den asa ishki ister qyzmetkeri jumyldyryldy. 5 jedel toby saýda núktelerinen bólek tehnıkalyq qyzmet kórsetý oryndaryn da teksergen.
«Ýchaskelik ınspektor izin sýytpaı múlik urlaý qylmysyn áshkereledi. Qylmys jasaǵan 1994 jyly týǵan K esimdi azamat buǵan deıin birneshe ret sottalǵan. Budan basqa 149 adam ákimshilik jaýapkershilikke tartyldy. Sonymen qatar 126 adam aty-jónin anyqtaý maqsatynda ishki ister organyna jetkizildi. Ózbekstandyq 10 azamattyń elde mıgratsııa zańyn buzyp júrgeni anyqtaldy. Reıd barysynda ata-anasynan jyraqta júrgen, Qazaqstannyń basqa óńirlerinen kelgen 3 jasóspirim ustaldy. Bul balalar kámelettik jasqa tolmaǵandardyń ýaqytsha beıimdeý ortalyǵyna ornalastyryldy»,-dedi Almaty ІІD resmı ókili Saltanat Ázirbek.
Tártip saqshylarynyń aıtýynsha, mundaı tekserýler aldaǵy ýaqytty turaqty túrde ótkizilip turmaq. Ondaǵy maqsat - qaladaǵy qylmystyq ahýaldy túzep, zań talaptaryn buzǵandardy ustaý. Bireýdiń múlkin urlaǵandar, urlanǵan zattardy satýmen aınalysqandardy jazaǵa tartyp, zańsyz mıgratsııa kanaldaryn anyqtaý bolyp tabylady.
