Qar, naızaǵaı, 28 m/s jel: Qazaqstannyń 17 oblysynda aýa raıy buzylady
ASTANA. KAZINFORM — Qazaqstannyń 17 oblysynda aýa raıyna baılanysty eskertý jasaldy. 4 qazanda jeldiń ekpini 28 m/s-qa deıin jetip, jańbyr, qar, naızaǵaı jáne tuman kútiledi, dep habarlaıdy «Qazgıdromet» RMK baspasóz qyzmeti.
Abaı oblysynda túnde jáne tańerteń oblystyń shyǵysynda tuman túsedi. Jel ońtústik-shyǵystan soǵady, oblystyń batysynda, soltústiginde jáne ortalyǵynda ońtústikten soqqan jeldiń jyldamdyǵy 15-20 m/s-qa jetip, kúndiz ekpini 25 m/s bolady. Oblystyń soltústigi men ortalyǵynda órt qaýpi joǵary, soltústik-batysynda óte joǵary deńgeıde saqtalady. Semeıde jel ońtústik-shyǵystan, tańerteń jáne kúndiz ońtústikten soǵady, ekpini 15-20 m/s-qa jetedi. Órt qaýpi joǵary deńgeıde saqtalady.
Aqtóbe oblysynyń batysy men soltústiginde túnde kóktaıǵaq bolady. Oblystyń shyǵysynda órt qaýpi joǵary, al batysynda, ońtústiginde, soltústik-shyǵysynda jáne ortalyǵynda óte joǵary órt qaýpi saqtalady.
Atyraý oblysynyń soltústiginde, shyǵysynda jáne ońtústiginde túnde jańbyr, qar túrinde jaýyn-shashyn túsedi. Kúndiz oblystyń soltústiginde, shyǵysynda jáne ońtústiginde jańbyr jaýady. Ońtústiginde túnde jáne tańerteń tuman túsedi. Jel soltústik-batystan, oblystyń soltústiginde, batysynda jáne ońtústiginde batystan soǵady, ekpini 15-20 m/s, keı ýaqytta 25 m/s bolady. Oblysta órt qaýpi joǵary, ońtústiginde óte joǵary deńgeıde saqtalady. Atyraý qalasynda kúndiz batystan jel soǵyp, ekpini 15-18 m/s-qa jetedi. Órt qaýpi óte joǵary.
Aqmola oblysynyń batysy men soltústiginde túnde jáne tańerteń tuman bolady.
Almaty oblysynyń batysynda, ońtústiginde, shyǵysynda jáne taýly aýdandarynda ońtústik-shyǵystan soǵatyn jel batysqa aýysyp, ekpini keı ýaqytta 16-21 m/s-qa jetedi. Oblystyń soltústiginde, batysynda, shyǵysynda jáne ortalyǵynda órt qaýpi óte joǵary deńgeıde saqtalady. Qonaevta ońtústik-shyǵystan soqqan jel batysqa aýysyp, ekpini keı ýaqytta 16-21 m/s bolady.
Іle Alataýynyń taýlarynda, sonyń ishinde Almaty qalasynyń Medeý jáne Bostandyq aýdandarynyń taýly aımaqtarynda 4 qazanda ońtústik-shyǵystan soǵatyn jel batysqa aýysyp, ekpini keı ýaqytta 16-21 m/s-qa jetedi. Órt qaýpi óte joǵary.
Shyǵys Qazaqstan oblysynyń shyǵysynda túnde jáne tańerteń tuman túsedi. Jel shyǵystan, oblystyń soltústiginde, ońtústiginde jáne ortalyǵynda ońtústik-shyǵystan soǵady, jyldamdyǵy 15-20 m/s, kúndiz ekpini 25 m/s bolady. Oblystyń soltústigi men ońtústiginde órt qaýpi joǵary, ońtústik-shyǵysynda óte joǵary deńgeıde saqtalady. Óskemende shyǵystan, tańerteń jáne kúndiz ońtústik-shyǵystan jel soǵyp, ekpini 15-18 m/s bolady.
Jambyl oblysynyń batysynda jáne taýly aýdandarynda túnde jańbyr, naızaǵaı, kúndiz jańbyr men naızaǵaı kútiledi. Oblystyń batysynda, ońtústiginde jáne taýly aýdandarynda qatty jańbyr, burshaq jáne qatty jel bolýy múmkin. Jel ońtústik-batystan, oblystyń ońtústik-batysynda, soltústik-shyǵysynda jáne taýly aýdandarynda ekpini 15-20 m/s, keı ýaqytta 23-28 m/s bolady. Oblystyń batysynda, soltústiginde jáne ońtústiginde órt qaýpi óte joǵary, ońtústik-batysy men ońtústik-shyǵysynda joǵary deńgeıde saqtalady. Tarazda kúndiz jańbyr men naızaǵaı kútiledi. Tańerteń jáne kúndiz ońtústik-batystan soqqan jeldiń ekpini 15-20 m/s bolady. Órt qaýpi joǵary.
Jetisý oblysynda Alakól kólderi mańynda ońtústik-shyǵystan jel soǵyp, ekpini 15-20 m/s, keı ýaqytta 23-28 m/s-qa jetedi. Oblystyń shyǵysynda órt qaýpi óte joǵary deńgeıde saqtalady.
Batys Qazaqstan oblysynyń soltústiginde, shyǵysynda jáne ońtústiginde jańbyr, qar túrinde jaýyn-shashyn túsedi. Soltústiginde jáne shyǵysynda túnde jáne tańerteń tuman bolady. Kúndiz oblystyń batysynda, soltústiginde jáne ońtústiginde batystan, soltústik-batystan jel soǵyp, ekpini 15-20 m/s, keı ýaqytta 25 m/s bolady. Oblystyń ońtústigi men shyǵysynda órt qaýpi joǵary. Oralda jańbyr, qar jaýady. Túnde jáne tańerteń tuman túsedi.
Qaraǵandy oblysynyń soltústik-batysynda, shyǵysynda jáne ońtústiginde órt qaýpi joǵary. Batysynda, soltústiginde jáne ortalyǵynda órt qaýpi óte joǵary deńgeıde saqtalady. Qaraǵandyda ońtústik-batystan jel soǵyp, ekpini 15-20 m/s bolady.
Qostanaı oblysynyń batysynda jáne soltústiginde túnde jáne tańerteń tuman túsedi. Oblystyń ońtústiginde órt qaýpi joǵary. Qostanaıda túnde jáne tańerteń tuman bolady.
Qyzylorda oblysynyń shyǵysy men soltústiginde jańbyr, naızaǵaı, shkval jáne shańdy daýyl kútiledi. Jel batystan, oblystyń soltústiginde, batysynda jáne ortalyǵynda ońtústik-batystan soǵady, jyldamdyǵy 15-20 m/s, kúndiz ekpini 23 m/s bolady. Túnde oblystyń soltústiginde topyraq betinde 1 gradýs qatqaq kútiledi. Oblysta órt qaýpi óte joǵary, soltústigi men ortalyǵynda joǵary deńgeıde saqtalady. Qyzylordada túnde jańbyr men naızaǵaı bolady. Órt qaýpi óte joǵary.
Mańǵystaý oblysynyń batysynda, soltústiginde jáne ortalyǵynda jańbyr túrinde jaýyn-shashyn kútiledi. Soltústiginde jáne ortalyǵynda túnde jáne tańerteń tuman túsedi. Jel soltústik-batystan, oblystyń batysynda, soltústiginde jáne ortalyǵynda ekpini 15-20 m/s, keı ýaqytta 25 m/s bolady. Oblystyń batysynda, soltústiginde jáne ortalyǵynda órt qaýpi joǵary. Aqtaýda kúndiz soltústik-batystan jel soǵyp, ekpini 15-18 m/s-qa jetedi. Órt qaýpi joǵary.
Pavlodar oblysynda oblystyń batysynda, soltústiginde, ońtústiginde jáne ortalyǵynda ońtústik-batystan jel soǵyp, ekpini 15-20 m/s bolady. Oblysta órt qaýpi joǵary, soltústiginde, ońtústiginde jáne ortalyǵynda óte joǵary deńgeıde saqtalady. Pavlodarda ońtústik-batystan jel soǵyp, ekpini 15-20 m/s bolady.
Soltústik Qazaqstan oblysynyń batysy men soltústiginde túnde jáne tańerteń tuman túsedi. Petropavlda da túnde jáne tańerteń tuman bolady.
Túrkistan oblysynda jańbyr men naızaǵaı kútiledi. Kúndiz oblystyń batysynda, soltústiginde, taýly jáne taý bókterindegi aýdandarynda qatty jańbyr jaýady. Jel ońtústik-batystan soltústik-batysqa aýysyp, oblystyń batysynda, soltústiginde, taýly jáne taý bókterindegi aýdandarynda ekpini 15-20 m/s, keı ýaqytta 23-28 m/s bolady. Oblystyń batysynda, soltústiginde, ońtústiginde jáne ortalyǵynda órt qaýpi óte joǵary deńgeıde saqtalady. Shymkentte jańbyr, naızaǵaı, kúndiz keı ýaqytta qatty jańbyr kútiledi. Ońtústik-batystan soǵatyn jel soltústik-batysqa aýysyp, ekpini 15-20 m/s bolady. Túrkistanda da jańbyr, naızaǵaı, kúndiz keı ýaqytta qatty jańbyr kútiledi. Jeldiń ekpini 15-20 m/s-qa jetedi. Órt qaýpi óte joǵary.
Ulytaý oblysynyń soltústiginde, shyǵysynda jáne ońtústiginde kúndiz jańbyr, qar túrinde jaýyn-shashyn túsedi. Jel ońtústik-batystan soǵyp, oblystyń batysynda, soltústiginde jáne shyǵysynda ekpini 15-20 m/s, keı ýaqytta 23 m/s bolady. Órt qaýpi óte joǵary. Jezqazǵanda ońtústik-batystan jel soǵyp, ekpini 15-20 m/s bolady. Órt qaýpi óte joǵary deńgeıde saqtalady.
Osyǵan deıin kúzdiń sońǵy jylymyǵy - mızamshýaq neni bildiretini týraly jazǵanbyz.
