Qar jaýyp, kóktaıǵaq bolady: 10 qarashaǵa aýa raıy boljamy jarııalandy

ASTANA. KAZINFORM — Seısenbi, 10 qarashada elimizdiń basym bóliginde jańbyr, qar jaýady. Keı jerlerde jaýyn-shashyn mol túsedi.

metel_sneg
Foto: Kazinform/JI

Qazgıdromet sınoptıkteri boljamy boıynsha, Soltústik tsıklon men onymen baılanysty atmosferalyq fronttar Qazaqstannyń barlyq derlik aýmaǵyna jańbyr men qar túrinde jaýyn-shashyn ákeledi. Eldiń ońtústigi men shyǵysynda jaýyn-shashyn mol túsedi. Tek qıyr batysta antıtsıklon jotasynyń áserinen jaýyn-shashynsyz aýa raıy saqtalady.

Respýblıka boıynsha jel kúsheıip, tuman túsedi. Soltústik pen ortalyqta kóktaıǵaq bolady.

Birqatar óńirde órt qaýpi saqtalady. Atyraý oblysynyń batysynda, Almaty oblysynyń batysynda, ońtústigi men shyǵysynda, Jetisý oblysynyń ońtústigi men ortalyǵynda, Qyzylorda oblysynyń soltústiginde, Jambyl oblysynyń soltústigi, ońtústigi men shyǵysynda, Abaı oblysynyń ońtústiginde órt qaýipi joǵary.

Al Qyzylorda oblysynda, Aqtóbe oblysynyń ońtústiginde, Jetisý oblysynyń shyǵysynda tótenshe órt qaýpi bar.

aıta keteıik, «QazAvtoJol» ulttyq kompanııasy aýa raıyna baılanysty júrgizýshilerge eskertý jasady.