Qar men kóktaıǵaq: Qazaqstannyń bes oblysynda júrgizýshilerge eskertý jasaldy
ASTANA. KAZINFORM — 5 qarashada Qazaqstannyń bes oblysynda jańbyr aralas qar jaýyp, joldar taıǵaq bolýy múmkin. Respýblıkalyq trassalarda kóriný qashyqtyǵy tómendeý qaýpine baılanysty júrgizýshilerge saqtyq sharalaryn saqtaý eskertildi.
QazAvtoJol kompanııasynyń málimetinshe, búgin Abaı, Almaty, Jetisý, Batys Qazaqstan jáne Shyǵys Qazaqstan oblystarynda jańbyr aralas qar jaýyp, keı jerlerge qalyń qar túsedi.
Osyǵan baılanysty respýblıkalyq avtojoldardyń jekelegen bólikterinde kóriný qashyqtyǵy tómendep, jol beti taıǵaq bolýy múmkin.
— Júrgizýshilerge aýa raıyn eskerip, qaýipsiz araqashyqtyqty saqtaýdy, jol jaǵdaıyna qaraı jyldamdyqty tańdaýdy jáne oqys manevr jasamaýdy usynamyz, — dep eskertti jol kompanııasynan.
Aıta keteıik, buǵan deıin búgin Qazaqstannyń birqatar óńirinde aýa raıy qubylmaly bolatynyn jazdyq. Keı jerlerde nóser jańbyr jaýyp, tuman túsedi, naızaǵaı oınap, jeldiń ekpini 28 m/s-qa deıin jetedi. Soltústik óńirlerde kóktaıǵaq pen úsik bolýy múmkin. Sonymen qatar eldiń birneshe oblysynda joǵary jáne tótenshe órt qaýpi saqtalady.
