Qar men kóktaıǵaq qaýpi: 4 óńirde jol jaǵdaıy nasharlaýy múmkin
ASTANA. KAZINFORM — Búgin Almaty, Abaı, Shyǵys Qazaqstan jáne Jetisý oblystarynda qar aralas jańbyr men qar jaýyp, respýblıkalyq joldarda kóktaıǵaq qaýpi týyndaýy múmkin. Júrgizýshilerge saq bolý eskertildi. Bul týraly QazAvtoJol kompanııasy málimdedi.
— Búgin Almaty, Abaı, Shyǵys Qazaqstan jáne Jetisý oblystarynda jańbyr aralas qar jaýyp, keı jerlerde qar kútiledi. Osyǵan baılanysty respýblıkalyq avtojoldardyń jekelegen bólikterinde kóriný qashyqtyǵy tómendep, jol beti taıǵaq bolýy múmkin. Júrgizýshilerge aýa raıyn eskerip, qaýipsiz araqashyqtyqty saqtaýdy, jol jaǵdaıyna qaraı jyldamdyqty tańdaýdy jáne oqys manevr jasamaýdy usynamyz, — dep eskertti kompanııadan.
