Qar men kóktaıǵaq: Almatyda kún raıy buzylady
ALMATY. QazAqparat - Kún raıyn boljaýshylar taratqan aqparatqa sáıkes, Almatyda aýa temperatýrasy kúrt tómendeıdi, dep habarlaıdy QazAqparat tilshisi.
«Qazgıdromet» RMK habarlaýynsha, aldaǵy kúnderi Almatyda qar jaýyp, kóktaıǵaq bolady. Aýa temperatýrasy tómendeıdi.
26 qarasha kúni qalada kóshpeli bult shyǵady, kúndiz qar aralas jańbyr jaýady. Soltústik-batystan jel soǵyp, tańerteń jáne kúndiz onyń kúshi 12 m/s jetýi yqtımal. Aýa temperatýrasy tómendeıdi.
27 qarashada kún bultty. Túnde qalyń qar jaýady. Joldarǵa muz qatyp, kóktaıǵaq bolady. Aýa temperatýrasy túnde - 8 – 10 gradýsty kórsetedi.
28 qarashada kóshpeli bult shyǵady, jaýyn-shashynsyz. Aýa temperatýrasy túnde 8-10 aıaz, kúndiz 3 gradýs jyly bolady.
Buǵan deıin Qazgıdromet 2021 jylǵy qarashaǵa arnalǵan konsýltatıvtik aýa raıy boljamyn jarııalaǵan edi.
Ekinshi onkúndiktiń birinshi jartysynda Qazaqstannyń basym bóliginde aýa raıyn soltústik-batys tsıklon anyqtaıtyn bolady, soǵan baılanysty qubylmaly aýa raıy kútiledi: ekpindi jel, burqasyn, jaýyn-shashyn (kóbinese qar túrinde) bolady. Sodan keıin sýyq aýa massalarynyń Reseı aýmaǵynan enýimen ekinshi onkúndiktiń sońynda, úshinshi onkúndiktiń basynda jáne sońynda temperatýralyq fonnyń tómendeýi boljanady.
