Qar men kóktaıǵaq: Almatyda kún buzylady
ALMATY. QazAqparat - Kún raıyn boljaýshylar taratqan aqparatqa sáıkes, Almatyda aýa temperatýrasy kúrt tómendeıdi, dep habarlaıdy QazAqparat tilshisi.
«Qazgıdromet» RMK habarlaýynsha, aldaǵy kúnderi Almatyda qar jaýyp, kóktaıǵaq bolady. Aýa temperatýrasy tómendeıdi.
21 qazan kúni qalada kóshpeli bult shyǵady, kúndiz jańbyr jaýady. Ońtústik-batystan jel soǵyp, tańerteń jáne kúndiz onyń kúshi 10 m/s jetýi yqtımal. Aýa temperatýrasy kúndiz plıýs 16-18, al túnde 8-10 gradýsty kórsetedi.
22 qazanda kún bultty. Jańbyr jaýyp, arty qarǵa ulasady. Joldarǵa muz qatyp, kóktaıǵaq bolady. Ońtústik-batystan soqqan jeldiń ekpini 10 m /s kúsheıedi. Aýa temperatýrasy tómendeıdi.
Buǵan deıin Almaty qalalyq tótenshe jaǵdaılar departamenti kún raıyna qatysty eskertý jarııalaǵan bolatyn.
Erteń Almaty taýlarynda kúndiz jańbyr jáne qar jaýyp, naızaǵaı oınaıdy. Tuman túsip, kóktaıǵaq bolady.
