Qar men kóktaıǵaq: 11 oblysta júrgizýshilerge eskertý jasaldy
ASTANA. KAZINFORM — Qazaqstannyń 11 oblysynda joldar taıǵaq bolýy múmkin, «QazAvtoJol» UK júrgizýshilerge eskertý jasady.
Búgin Aqmola, Abaı, Aqtóbe, Almaty, Qaraǵandy, Qostanaı, Jetisý, Pavlodar, Ulytaý, Batys Qazaqstan jáne Shyǵys Qazaqstan oblystarynda qar aralas jańbyr jaýyp, keı jerlerde qar kútiledi.
— Osyǵan baılanysty respýblıkalyq avtojoldardyń jekelegen bólikterinde kóriný qashyqtyǵy tómendep, jol beti taıǵaq bolýy múmkin. Júrgizýshilerge aýa raıyn eskerip, qaýipsiz araqashyqtyqty saqtaýdy, jol jaǵdaıyna qaraı jyldamdyqty tańdaýdy jáne oqys manevr jasamaýdy usynamyz, — dep eskertti vedomstvo mamandary.
Osyǵan deıin Pavlodar óńirinde qar basý qaýpi bar 222 jol ýchaskesi anyqtalǵanyn jazdyq.
