Qar men aıaz: Almatynyń tańǵajaıyp kelbeti
ALMATY. QazAqparat - Almatyda 25 gradýs aıaz, jýyrda jaýǵan qar áli erigen joq. Aq ulpa qar basqan qalany QazAqparat fototilshisi sýretke túsirip qaıtty.
Aıta keteıik, 10 qańtar túski ýaqytta bastalǵan qar toqtaýsyz bir jarym táýlik jaýdy. Qalanyń ishinde túsken qardyń qalyńdyǵy 15 sm bolsa, taýly aımaqtarda 20-25 santımetrge jetti. Kommýnaldyq qyzmetter kúsheıtilgen rejımde jumys istedi. Jol qozǵalysy qaýipsizdigin qamtamasyz etý úshin qyzmetkerler arnaıy tehnıkanyń kómegimen joldardy kóktaıǵaqqa qarsy materıaldarmen óńdedi. Osy ýaqytta qala boıynsha qar tazalaýshy mashınalardyń 18 kolonnasy qozǵaldy. Nátıjesinde 1260 tekshe metr qar shyǵaryldy. Aıazdyń beti áli qaıtqan joq.
Termometr 22-25 gradýs aıazdy kórsetip tur. Almaty turǵyndary men qonaqtary aıazdy kúnge qaramastan taza aýada serýendep, kúnderin sátti ótkizip jatyr. Saıabaqtardan qar atysyp, shana teýip júrgen balalardy kórýge bolady.
Sınoptıkterdiń boljamy boıynsha qaladaǵy aıaq taǵy bir aptadaı saqtalady.
