Qar, kúshti jel, boran - juma kúngi aýa raıy
NUR-SULTAN. QazAqparat – Senbi kúni elimizdiń kóp bóliginde qatty jel soǵyp, qalyń qar jaýady, keı óńirlerde boran soǵady, dep habarlaıdy QazAqparat Qazgıdrometke silteme jasap.
«7 jeltoqsanda Qazaqstan aýmaǵynyń basym bóliginde Atlantıkalyq tsıklonnyń áserinen qubylmaly aýa raıy saqtalady, jaýyn-shashyn, shyǵystyń keı jerlerinde qatty jaýyn-shashyn túsedi, kóbinese qalyń qar jaýady.
Tek respýblıkanyń batys, ońtústik-batys, ońtústik jáne ońtústik-shyǵysynda antıtsıklon yqpalynda bolǵandyqtan kún raıy ashyq bolady. Respýblıkanyń keı jerlerinde – tuman túsip, kóktaıǵaq bolady, jaıaý burqasyn, kúshti jel soǵady. Elimizdiń soltústigi men shyǵysynda óte qatty jel soǵady, ekpini 30 m/s jáne odan asyp ketýi múmkin», delingen habarlamada.
Aqmola, Soltústik Qazaqstan, Shyǵys Qazaqstan, Pavlodar oblystarynda jel 15-20, keı jerlerinde 23-28 m/s jetedi, ekpini 30 m/s jáne odan asyp ketýi múmkin. Keı jerlerde tuman, kóktaıǵaq, jaıaý burqasyn kútiledi. Qostanaı oblysynda jel 15-20, ekpini 23 m/s boljanady, keı jerlerinde kóktaıǵaq, tumantúsýi yqtımal.
Qaraǵandy, Aqtóbe oblystarynyń keı jerlerinde tuman, koktaıǵaq, jaıaý burqasyn kútiledi, jel 15-20, ekpini 23-28 m/s kúsheıedi.
Qyzylorda oblysynyń keı jerlerinde tuman, kóktaıǵaq kútiledi, jel 15-20 m/s kúsheıedi. Jambyl, Túrkistan, Atyraý, Mańǵystaý oblystarynyń keı jerlerinde tuman kútiledi.
Almaty oblysynyń túnde keı jerlerinde tuman, kóktaıǵaq bolady, kúndiz Jalańashkól aýdanynda jel 15-20 m/s kúsheıedi.
