Qar qursaýynda qalǵan kólikterden 16 adam qutqaryldy - Pavlodar oblysy
PAVLODAR. QazAqparat – Pavlodar oblysyndaǵy Aqtoǵaı aýdany aýmaǵynda 6 avtokólik qar qursaýynda qalǵan, dep habarlaıdy QazAqparat Pavlodarnews.kz saıtyna silteme jasap.
Kólikterde 16 adam bolǵan.
Oblystyq TJD baspasóz qyzmetiniń habarlaýynsha, 18 jeltoqsan kúni saǵat 22:00-de Pavlodar oblysynyń Aqtoǵaı aýdanynda, Aqjol aýylynyń mańynda aýa raıynyń qolaısyzdyǵyna baılanysty 6 jeńil avtokólik turyp qalǵany týraly habarlama kelip tústi.
Oqıǵa №15 órt sóndirý bóliminen 67 shaqyrym qashyqtyqta bolǵan. Tótenshe jaǵdaı ornyna jeke quramnan 8 adam jáne 2 tehnıka jumyldyrylyp, 16 adam qutqaryldy.
- Barlyq azamattar medıtsınalyq kómekke muqtaj bolmaǵan. Qutqarýshylardyń jedel jáne úılesimdi áreketteriniń arqasynda eshkim zardap shekken joq, - dedi departamentte.
