Qar qursaýynda qalǵan 50-den astam qostanaılyq qutqaryldy
ASTANA. QazAqparat - Qostanaı oblysynda qar qursaýynda qalǵan adamdardy qutqarý jumystary jalǵasýda. Soltústik óńirlik aeroutqyr jedel-qutqarý toby (SÓAJQT) bir aıdan beri óńirdegi tas jolda apattyq-qutqarý jumystaryn júrgizip keledi, dep habarlaıdy TJ komıtetiniń baspasóz qyzmeti.
25 qańtarda Qarasý, Áýlıekól, Naýryzym aýdandarynda apattyq-qutqarý jumystary júrgizildi.
Naýryzym aýdanynda «Razdolnyı-Býrevestnık-Óleńdi» tas jolynyń 80 shaqyrymynda boran saldarynan avtokólik qar qursaýynda qalǵan. Qutqarý operatsııasyn júrgizý úshin 8 qutqarý quramy bar KamAZ jáne TREKOL arnaıy tehnıkasy jiberildi. Áýlıekól aýylynda KamAZ-ben 7 adam, sonyń ishinde 2 áıel men bir bala qutqaryldy. Qar qursaýynan 4 tehnıka bosatyldy. Al, TREKOL tehnıkasy arqyly 46 adam, sonyń ishinde 9 áıel evakýatsııalandy. 
Dál sol kúni, Áýlıekól aýdany Qazanbasy aýylynan 1960 jyly dúnıege kelgen, 2 toptaǵy múgedek kisiniń júregi qysylyp, medıtsınalyq kómekke zárý ekendigi týraly habarlama kelip túsken. Aýa raıynyń qolaısyzdyǵyna baılanysty, aıtylǵan jerge TREKOL tehnıkasymen 3 qutqarýshy barǵan. Qutqarýshylar toby naýqasty Áýlıekólge jetkizip, jedel járdem qyzmetkerlerine tabystady.
SÓAJQT kúshiniń arqasynda 2017 jyldyń 25 qańtarynda 54 adam, sonyń ishinde 11 áıel, 1 bala jáne 2-toptaǵy 1 múgedek qutqaryldy. 
