Qar qursaýynda qalǵan 300-ge jýyq adam Qaraǵandyǵa jetkizildi
ASTANA. QazAqparat - Qar qursaýyndda qalǵan 300-ge jýyq adam Qaraǵandy vokzalyna jetkizildi, dep habarlady «Jolaýshylar tasymaly» AQ baspasóz qyzmeti.
«Aýa raıynyń kúrt nasharlaýyna jáne avtomobıl joldarynyń jabylýyna baılanysty «Jolaýshylar tasymaly» AQ táýlik boıy rejımde jumys isteýde. Qaraǵandy oblysy jergilikti organdarmen birlese otyryp, olardy qar qursaýynan shyǵarýdyń jedel sharalary alyndy. Jolaýshylardy dittegen jerlerine jetkizý úshin barlyq sharalar qolǵa alynýda», - delingen habarlamada.
Baspasóz qyzmetiniń habarlaýynsha, 29 jeltoqsanda Qaraǵandydan ártúrli baǵyttarǵa 540 adam jóneltildi. Qazirgi kezde vokzalda 250-300-ge jýyq adam qalyp otyr, olar jolshybaı poıyzdarǵa otyrǵyzylyp, bılettermen qamtamasyz etilýde (saǵat 21:00-den 22:15-ke deıin ońtústik baǵytqa 3 poıyzdyń kelýi kútilýde).
Sonymen birge, Qaraǵandy men Temirtaý arasynda qosymsha elektr poıyzy uıymdastylady, olarda 400 oryn kózdelgen.
