Qar qursaýynda qalǵan 59 qostanaılyq qutqaryldy

ASTANA. KAZINFORM — Qostanaı oblysynda taǵy 59 adam qutqarylyp evakýatsııalandy, dep habarlaıdy TJM.

Oqys oqıǵa Denısov aýdanynda Qarabutaq-Qostanaı avtojolynda bolǵan. Tehnıkalyq jaramsyz avtobýstyń saldarynan 59 adam qar qursaýynda qalyp qoıǵan. Qutqarýshylar jolaýshylardy evakýatsııalap, Denısovka aýylyna jetkizdi.

— Zardap shekkenderge medıtsınalyq kómek qajet bolmady. TJM aýa raıyn baqylap, qolaısyz jaǵdaılarda uzaq saparlarǵa shyqpaýǵa eskertedi, — delingen habarlamada.

Buǵan deıin habarlaǵanymyzdaı, Mańǵystaý oblysynda TJM qutqarýshylary 29 júk kóligin qar qursaýynan alyp shyqty.