Qar qursaýy men kóktaıǵaq: Qaraǵandy oblysynyń qaı joldary qaýipti?

QARAǴANDY. KAZINFORM – Qaraǵandy oblysyndaǵy respýblıkalyq mańyzy bar joldardyń 447 shaqyrymnan astam bóligi qysta qar basý qaýpi joǵary ýchaskeler sanatyna jatady. Taǵy 150 shaqyrymnan astam jolda kóktaıǵaq jıi baıqalýy múmkin. Jolshylar qysqy maýsymǵa 172 arnaıy tehnıka ázirlep, qajetti materıaldar qoryn jasaqtaǵan. Kazinform tilshisi óńirdegi tasjoldardyń qysqy kútimi qalaı uıymdastyrylatynyn jáne jol qaýipsizdigin qamtamasyz etý úshin qandaı tehnologııalar qoldanylatynyn anyqtady.

Gde zımoı opasnee vsego ezdıt po trassam Karagandınskoı oblastı
Vıdeodan alynǵan skrın

Aldaǵy qysqy maýsymda Qaraǵandy oblysynda respýblıkalyq mańyzy bar 1 930 shaqyrym avtomobıl jolyna qyzmet kórsetiledi. Onyń 1 355,3 shaqyrymy – aqysyz, 574,7 shaqyrymy aqyly jol ýchaskeleri.

Jol qyzmetteri eń aldymen qarly boran kezinde qar úıindileri jıi paıda bolatyn ýchaskelerge basymdyq bermek. Mundaı joldardyń jalpy uzyndyǵy – 447,61 shaqyrym. Al kóktaıǵaq qaýpi joǵary ýchaskeler 150,93 shaqyrymdy quraıdy.

Qardyń joldy basyp qalýyna jol bermeý úshin tasjoldardyń boıyna jalpy uzyndyǵy 155,6 myń metrden asatyn turaqty qar toqtatqysh qorshaýlar ornatylǵan. Olardyń basym bóligi «Astana – Almaty» avtomobıl jolynyń boıynda ornalasqan. Sondaı-aq «Astana – Qabanbaı batyr – Nura – Temirtaý» tasjolynda uzyndyǵy 260 metr bolatyn osyndaı qorshaýlar bar.

Budan bólek, qar úıindileriniń aldyn alý úshin qosymsha sharalar qolǵa alynbaq. Aýa raıyna qaraı qar toqtatatyn orlar qazylyp, qabyrǵalar men jaldar turǵyzylady. Qajet bolǵan jaǵdaıda ýaqytsha aǵash qalqandar da ornatylady.

Gde zımoı opasnee vsego ezdıt po trassam Karagandınskoı oblastı
Foto: «QazAvtoJol» Qaraǵandy oblystyq fılıaly

Joldardy kútip ustaý úshin qajetti materıaldar da aldyn ala ázirlengen. Kóktaıǵaqqa qarsy qoldanýǵa 35,3 myń tekshe metr elengen qıyrshyq tas, 3 880 tonna tuz jáne 200 tonna hımııalyq reagent daıyndaldy. Óndiristik nysandardyń jumysyn qamtamasyz etý úshin 3 816 tonna kómir qory jasaqtalyp, 4 740 metr aǵash qar toqtatqysh qalqan ázirlengen.

Respýblıkalyq mańyzy bar joldardy qysqy kútip-ustaý jumystaryna 11 jol-paıdalaný basqarmasy tartylady. «QAJservıs» JShS-niń qaramaǵynda 172 birlik arnaıy tehnıka bar. Onyń 169-y jumysqa daıyn, qalǵan úsheýi jóndelip jatyr. Jóndeý jumystaryn qarasha aıynyń sońyna deıin aıaqtaý josparlanǵan.

Tehnıka parkinde aralas jol mashınalary, shnekti-rotorly qar tazalaǵyshtar, avtogreıderler, traktorlar, býldozerler men tıegishter bar. Olar joldyń júrý bóligin qardan tazalap, úıindilerdi arshýǵa jáne jol jabynyn óńdeýge paıdalanylady. Jumys táýlik boıy júrgizilip, tasjoldardy kezekshilik tártibimen patrýldik tazalaý da qarastyrylǵan.

– Qys mezgilindegi basty mindet – qar jaýý jáne kóktaıǵaq saldarynan kólik qozǵalysynyń uzaq ýaqytqa shektelýine jol bermeý. Ol úshin jol qyzmetteri táýlik boıy kezekshilik atqaryp, tasjoldardy turaqty túrde tazartady jáne qaýipti ýchaskelerdi der kezinde óńdeıdi. Arnaıy tehnıkanyń daıyndyǵy men qajetti materıaldardyń qory bul jumystardy josparly túrde júrgizýge múmkindik beredi, – dep habarlady kompanııadan.

Tasjoldardaǵy jaǵdaıdy jasandy ıntellekt te baqylaıdy

Qysqy jol qaýipsizdigi tek jolshylardyń jumysyna ǵana baılanysty emes. Tasjoldardaǵy qozǵalysty baqylaýǵa arnalǵan tsıfrlyq tehnologııalardyń da mańyzy artyp keledi.

Gde zımoı opasnee vsego ezdıt po trassam Karagandınskoı oblastı
Foto: «QazAvtoJol» Qaraǵandy oblystyq fılıaly

Máselen, «Astana – Qaraǵandy (aınalyp ótý jolyn qosa alǵanda) – Almaty» avtomobıl jolynyń «Anar – Temirtaý aqyly joldy paıdalaný pýnkti» jáne «Shubartúbek – Tasaral» ýchaskelerinde kólik quraldarynyń ortasha jyldamdyǵyn avtomatty túrde baqylaıtyn júıe jumys isteıdi.

Ádettegi kameralar kóliktiń jyldamdyǵyn belgili bir núktede ǵana tirkese, bul júıe avtomobıldiń baqylanatyn ýchaskege kirgen jáne odan shyqqan ýaqytyn esepke alady. Osy málimetter negizinde búkil jol bóligindegi ortasha jyldamdyq esepteledi. Eger júrgizýshi belgilengen shekten assa, aqparat ýákiletti organdarǵa jiberiledi.

Al «Astana – Temirtaý» aqyly jolynda jasandy ıntellekt negizinde jumys isteıtin ıntellektýaldy beınebaqylaý júıesi synaqtan ótip jatyr.

Júıe jolǵa jaıaý júrginshiler men janýarlardyń shyǵýyn, kóliktiń qarsy baǵytta nemese artqa qaraı júrýin, turaqqa qoıý erejeleriniń buzylýyn anyqtaı alady. Sonymen qatar avtomobılderdiń memlekettik tirkeý nómirlerin, markasy men túsin tanıdy.

Jabdyqtyń taǵy bir artyqshylyǵy – shalǵaı ýchaskelerde de avtonomdy rejımde jumys isteı alýy. Bul kún panelderi men jel generatorlarynyń kómegimen júzege asyrylady.

– Intellektýaldy beınebaqylaý jolda bolyp jatqan oqıǵalardy tirkep qana qoımaı, jol-kólik oqıǵasyna sebep bolýy múmkin qaýipti jaǵdaılardy anyqtaýǵa múmkindik beredi. Aldaǵy ýaqytta mundaı tehnologııalar jol qyzmetterine yqtımal qaýipter týraly aqparatty jedel jetkizip, qajetti sharalardy ýaqytyly qabyldaýǵa kómektesedi, – dep atap ótti «QazAvtoJol» UK» AQ Qaraǵandy oblystyq fılıalynda.

Qysqasy, óńirdegi respýblıkalyq mańyzy bar joldardy qysqa daıyndaý qar tazalap, kóktaıǵaqqa qarsy materıal sebýmen ǵana shektelmeıdi. Qar basý qaýpi joǵary ýchaskelerde qosymsha qorǵanys sharalary qarastyrylyp, joldaǵy ahýaldy baqylaýǵa zamanaýı tehnologııalar tartylyp otyr.

Degenmen qysqy jolda qaýipsizdikti tek jol qyzmetteriniń jumysyna artyp qoıýǵa bolmaıdy. Ásirese qarly boran soǵatyn ashyq ýchaskelerde júrgizýshiler aýa raıyn eskerip, jyldamdyqty jol jaǵdaıyna qaraı tańdaýy jáne rólde barynsha muqııat bolýy kerek.

Buǵan deıin Aqtóbe oblysynda joldar men qyzmet kórsetýshiler qystyń borany men aıazdy kúnine daıyndyǵy jaıly jazǵan bolatynbyz.