Qar kúreýge shamasy joq muqtaj jandar bolsa, mekenjaıyn aıtyńyzdar, kómektesemiz - Kólginov

NUR-SULTAN. QazAqparat - Nur-Sultan qalasynyń ákimi Altaı Kólginov qar tazalaý jumysy qalaı júrip jatqanyn aıtty, dep habarlaıdy QazAqparat.

Shahar basshysynyń Facebook paraqshasyndaǵy jazbasyna sensek, qazir qaladaǵy árbir aýdanda jeke sektordy qardan tazartý jumystary kúndiz-túni júrip jatyr.

«Turǵyndar, uıymdar aýlasyndaǵy qardy kóshe boıyna shyǵaryp qoısa, bizdiń kommýnaldyq sharýashylyq qyzmet tehnıkalary alyp ketedi. Qazir ardagerlerdiń, qarttardyń aýlasyn tazartýǵa volonterler kómektesýde. Olarǵa alǵys aıtamyz. Eger qar shyǵarý boıynsha kómekke muqtaj azamattar bolsa, naqty mekenjaıyn kórsetýlerińizdi suraımyz», - dep jazdy Altaı Kólginov.

Ol Baıqońyr aýdanyndaǵy bir kóshede tún jarymynda atqarylyp jatqan jumystyń sýreti men vıdeosyn oqyrman nazaryna usyndy.