Qar kóshý qaýpine baılanysty ShQO-da túngi ýaqytta tasjoldar jabylyp otyrady

ÓSKEMEN. QazAqparat – Shyǵys Qazaqstan oblysynda taýly aımaqta qar kóshý qaýpi bar, sondyqtan tasjoldar túngi ýaqytta jabylyp otyrady, dep habarlaıdy QazAqparat tilshisi.

«Qar kóshkini júrýine áser etetin birneshe faktor bar. Atap aıtqanda, jaýǵan qar mólsheri, betki qabatynyń tyǵyzdyǵy, aýa temperatýrasy, jeldiń baǵyty men jyldamdyǵy. Óńirdiń taýly jerlerinde kóshkin júrý qaýpi áli saqtalyp otyr. Soǵan oraı, túnde qar kóp jınalatyn taý boıyndaǵy tasjoldar mezgil-mezgil jabylyp otyrady», - dep atap ótti «Qazseldenqorǵaý» ShQO fılıalynyń basshysy Omar Dúzgimbaev.

ShQO Tótenshe jaǵdaılar departamenti baspasóz qyzmetiniń málimetine súıensek, «Óskemen-Samar», «Óskemen-Altaı» tasjoldarynda qar kóshkininiń aldyn alý sharasy júrgizildi. Qutqarýshylar men «Qazseldenqorǵaý» ShQO fılıalynyń mamandary 8 jarylys jasap, 23 750 tekshe metr qar túsirildi.