Qar kóshkini túsiriledi: Shyǵys Qazaqstandaǵy joldardyń biri jabylady

ÓSKEMEN. KAZINFORM – Shyǵys Qazaqstan oblysyndaǵy tasjoldardyń birinde jasandy jolmen qar kóshkini túsiriledi.

ShQO Tótenshe jaǵdaılar departamenti baspasóz qyzmetiniń málimetine súıensek, kún kúrt jylytyp, qar jyldam erı bastaǵandyqtan óńirdiń taýly jerlerinde kóshkin júrý qaýpi artqan.

- Soǵan baılanysty 17 naýryzda saǵat 10-00-de Katonqaraǵaı aýdanyndaǵy jergilikti mańyzy bar «Sogornoe-Barlyq» tasjolynyń 9-17 shaqyrymyndaǵy taý bókterinde jarylys jasalyp, qar kóshkini túsiriledi. Sondyqtan atalǵan jol ýchaskesi kóliktiń barlyq túri úshin jabyq bolady. Kólik júrgizýshilerinen óz baǵytyn aldyn ala josparlap alýdy suraımyz, - delingen aqparatta.

Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrýǵa keńes berdi.

Eske salsaq, buǵan deıin Shyǵys Qazaqstan oblysynyń qutqarýshylary óńir halqyna kóktemde muzǵa shyǵý qanshalyqty qaýipti ekenin túsindirgeni habarlanǵan.