Qar kóshkini: Shyǵys Qazaqstanda sáýir kelse de, taýǵa shyǵýǵa bolmaıdy

ÓSKEMEN. KAZINFORM — Shyǵys Qazaqstan oblysy turǵyndaryna áli de taýǵa barmaý qajettigi eskertildi.

ShQO tótenshe jaǵdaılar departamenti baspasóz qyzmetiniń málimetine súıensek, 8 sáýirge deıin óńirdiń taýly jerlerinde qar kóshkini júrý qaýpi bar.

«Meteorologııalyq jaǵdaıdyń ózgerýine, kúnniń kúrt jylýyna jáne jeldiń kúsheıýine baılanysty oblystyń taýly jerlerinde qar kóshkini túsýi yqtımal. Osy rette turǵyndarǵa barynsha abaı bolýdy, aldaǵy 3 kún boıy eshbir jaǵdaıda taýǵa shyqpaý qajettigin eskertemiz. Sebebi taýdyń basym bóliginde áli de qar jatyr» dep habarlady vedomstvo ókilderi.

Sondaı-aq qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.