Qar kóshkini júrý qaýpi bar: ShQO-daǵy tasjol jabyldy
ÓSKEMEN. QazAqparat – Shyǵys Qazaqstan oblysynda qar kóshkini júrý qaýpine oraı jol jabyldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, óńirdegi tasjoldardyń birin búgin saǵat 20.00-den bastap qar kóshkini jaýyp qalýy qaýpi bar.
«Respýblıkalyq mańyzy bar «Óskemen-Altaı-Úlken Naryn-Katonqaraǵaı-Rahman qaınary» tasjolynyń 7-66 (Ýshanov kenti men Serebrıansk qalasyna deıingi aralyq) jáne 432-438 shaqyrymdarynda kóliktiń barlyq túrleri úshin qozǵalysqa tyıym salynady. Óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes beremiz», - delingen aqparatta.
