Qar kóshkini: ShQO-daǵy tasjolda kólik qozǵalysy shekteldi
ÓSKEMEN. QazAqparat – Shyǵys Qazaqstan oblysy Altaı aýdanyndaǵy tasjolda qar kóshkini júrý qaýpine baılanysty kólik qozǵalysy shekteldi, dep habarlaıdy QazAqparat tilshisi.
Aýdan ákimdiginiń málimetine súıensek, aýa temperatýrasynyń kúrt jylynýyna jáne jeldiń kúsheıýine baılanysty taýly jerlerde qar kóshkini júrýi múmkin. Sondyqtan búginde «Óskemen-Altaı-Rahman qaınarlary» tasjolynyń 46-66 shaqyrymy aýyr júk kólikteri úshin jabyldy.
«Sondaı-aq atalǵan tasjoldyń 58-65 shaqyrymy aralyǵynda qaýipsizdik maqsatynda kóliktiń barlyq túrleri úshin 15-18 naýryz kúnderi qatynamaýǵa keńes beremiz», - delingen aqparatta.
Aıta keteıik, óńir jurtshylyǵy alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyra alady.
