Qar kóshkini qaýpine baılanysty ShQO-da jol jabyldy
ÓSKEMEN. QazAqparat – Shyǵys Qazaqstan oblysynda qar kóshkini júrý qaýpine baılanysty tasjoldardyń biri jabyldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, óńirdegi tasjoldardyń birine qar kóshkini túsýi múmkin.
«Respýblıkalyq mańyzy bar «Óskemen-Altaı-Úlken Naryn-Katonqaraǵaı-Rahman qaınary» tasjolynyń 430-450 shaqyrymynda kóliktiń barlyq túrleri úshin qozǵalysqa tyıym salynady», - delingen aqparatta.
Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrýǵa keńes berdi.
